नेपालको आईटी क्षेत्रलाई प्रवर्द्धन गर्ने अध्यादेशलाई NAS-IT ले गर्यो स्वागत

काठमाण्डौ । नेपाल सफ्टवेयर तथा आईटी सेवा कम्पनीहरूको संघ NAS-IT ले नेपालको संघीय संसद् र नेपाल सरकारलाई नेपालको सूचना प्रविधि क्षेत्रका लागि नियमहरू सुधार गर्ने अध्यादेश पारित गरेकोमा आभार व्यक्त गरेको छ। यो निर्णय नेपालको डिजिटल अर्थतन्त्रलाई मजबुत बनाउन तथा विश्वव्यापी प्रविधि बजारमा नेपालको प्रतिस्पर्धात्मक क्षमतालाई अभिवृद्धि गर्न महत्त्वपूर्ण कदम हुने NAS-IT ले जनाएको छ।

अध्यादेशले आईटी तथा डिजिटल सेवा कम्पनीहरूलाई व्यवसाय सञ्चालन गर्न सजिलो बनाउने, लगानी भित्र्याउन सहज बनाउने, र नेपाललाई प्रविधि तथा नवाचारको केन्द्रको रूपमा स्थापित गर्ने दिशामा महत्वपूर्ण योगदान पुर्याउने NAS-IT ले उल्लेख गरेको छ। ‘यो सफलता सरकारका पदाधिकारीहरू, नीति निर्माताहरू, उद्योगका अग्रणीहरू, र प्रविधि क्षेत्रका अगुवाहरूबीचको निरन्तर संवाद, सहकार्य, र लक्ष्यप्रति साझा प्रतिबद्धताको परिणामस्वरूप सम्भव भएको हो,’ NAS-IT ले भनेको छ, ‘NAS-IT ले संघीय संसद्का सांसदहरु , उद्योग विज्ञहरू, र यस क्षेत्रमा क्रियाशील संस्थाहरूलाई यस अध्यादेशलाई सफलतापूर्वक पारित गराउन महत्वपूर्ण योगदान दिएकोमा हार्दिक धन्यवाद व्यक्त गर्दछ।  NAS-IT नेपालको डिजिटल भविष्यलाई अझ मजबुत बनाउने थप नीतिगत सुधारहरूका लागि निरन्तर प्रयत्नशील रहनेछ।’

NAS-IT नेपालकै अग्रणी गैर-नाफामुखी संस्था हो । जसको मुख्य उद्देश्य नेपालको सफ्टवेयर तथा आईटी उद्योगको वृद्धिमा योगदान पुर्याउनु हो।