आईजीआई प्रुडेन्सियल इन्स्योरेन्सको लिलामी सेयरमा आवेदन दिने आज अन्तिम दिन

काठमाण्डौ । आईजीआई प्रुडेन्सियल इन्स्योरेन्स कम्पनी लिमिटेडको लिलामी सेयरमा आवेदन दिने आज अन्तिम दिन रहेको छ । कम्पनीले गत फागुन २० गतेदेखि संस्थापक समूहतर्फको ८० हजार कित्ता सेयर लिलामीमार्फत बिक्रीमा राखेको थियो ।  

कम्पनीले दुई जना संस्थापक सेयरधनीको स्वामित्वमा रहेको ३ लाख ३० हजार कित्ता संस्थापक सेयर बिक्रीमा राखेको छ । यो सेयर खरिदका लागि जो कोही व्यक्ति, कम्पनी तथा संघसंस्थाहरुले खरिद आवेदन दिन सक्नेछन् ।  

इच्छुक लगानीकर्ताले बिक्री प्रबन्धक प्रभु क्यापिटलमा आफूले खरिद गर्न चाहेको सेयर कित्ताको व्यहोरा खुलाई आवेदन पेस गर्नुपर्नेछ । सेयरको न्यूनतम मूल्य प्रतिकित्ता २११ रुपैयाँ कायम थियो ।