इन्टेलका नवनियुक्त सीईओको तलब १० लाख डलर

काठमाण्डौ । अमेरिकी चिप निर्माता कम्पनी इन्टेलका नवनियुक्त प्रमुख कार्यकारी अधिकारी(सीईओ) लिप–बु टानको तलब १० लाख डलर निर्धारण गरिएको छ । यसका साथै उनले वार्षिक २० लाख डलर नगद बोनस समेत पाउने कम्पनीले जनाएको छ ।  

इन्टेलले गत बुधबार टानलाई कम्पनीको नयाँ सीईओ नियुक्त गरेको थियो । टेक कम्पनीको भेट्रानको रुपमा रहेका टानलाई कम्पनीलाई सफल चिप निर्माता कम्पनी तथा चिप डिजाइन केन्द्रको रुपमा रुपान्तरण गर्ने जिम्मेवारी दिइएको छ ।  

उनले मार्च १८ देखि कार्यभार सम्हाल्ने छन् । उनको करार सम्झौतामा तीन वर्षिय प्रगतिजन्य लक्ष्य समावेश गरिएको छ ।  

लामो समयसम्म टेक्नोलोजी लगानीकर्ताको रुपमा रहेका टानसँग चिप उद्योगमा गहिरो अनुभव रहेको छ ।  

इन्टेलका यसअघिका सीईओ प्याट गेलसिंगर थिए । उनको आधारभूत तलब १० लाख २५ हजार डलर थियो ।