सेन्ट्रल फाइनान्सको संस्थापक सेयर बिक्रीमा

काठमाण्डौ । सेन्ट्रल फाइनान्स कम्पनी लिमिटेडले संस्थापक सेयरधनीको स्वामित्वमा रहेको संस्थापक सेयर बिक्रीमा राखेको छ । कम्पनीले एक सूचना जारी गर्दै संस्थापक सेयरधनी निर्मला राजभण्डारीको स्वामित्वमा रहेको २ हजार ५०६ हजार कित्ता संस्थापक सेयर बिक्रीमा राखेको हो ।

यो सेयर खरिदका लागि संस्थापक सेयरधनीहरुले मात्रै खरिद आवेदन दिन पाउनेछन् । संस्थापक सेयरधनीहरुले सूचना प्रकाशित भएको ३५ दिनभित्र कुपण्डोलमा रहेको कम्पनीको केन्द्रीय कार्यालय वा सेयर रजिष्ट्रार एनएमबी क्यापिटलमा आफूले खरिद गर्ने सेयर कित्ता खुलाई आवेदन दिनुपर्नेछ ।