भारतले आक्रमण गर्ने डरमा पाकिस्तानी लगानीकर्ता, सेयर बजारमा भारी गिरावट

काठमाण्डौ । पाकिस्तानको सेयर बजारमा भारी गिरावट आएको छ । आज पाकिस्तानको सेयर बजार मापक केएसई–१०० इन्डेक्स २.६९ प्रतिशत अर्थात ३ हजार ८८ अंकले घटेको छ ।  

यो गिरावटसँगै केएसई–१०० इन्डेक्स १ लाख ११ हजार ७८३.८५ विन्दुमा सीमित बनेको छ ।  

जम्मू कश्मिरको पहलगाममा भएको आतंकवादी आक्रमणपश्चात भारतले पाकिस्तानमा आक्रमण गर्न सक्ने डरका कारण लगानीकर्ता आत्तिदा पाकिस्तानको सेयर बजारमा भारी गिरावट आएको जनाइएको छ ।  

पाकिस्तानको टपलाइन सेक्युरिटिजका प्रमुख कार्यकारी मोहमद सोहेलले केही दिनभित्र भारतले आक्रमण गर्न सक्ने खबर पैलिएकाले सेयर बजार घटेको बताए । यस्ते एकेडी सेक्युरिटिजका अनुसन्धान निर्देशन आवेस असरफले पनि भारतले पाकिस्तानमा शैन्य कारवाही गर्न सक्ने र यो खबरलाई सूचनामन्त्रीले नै बताएपछि लगानीकर्ता झनै आतंकित भएको उनले बताए ।  

मंगलबार भारत सरकारले आफ्नो सेनालाई पहलमान आक्रमणविरुद्ध स्वतन्त्र रुपमा कारवाही गर्न सक्ने अधिकार प्रदान गरेको थियो ।  

अघिल्लो दिन भने पाकिस्तानको सेयर बजार बढेको थियो । अन्तराष्ट्रिय मुद्रा कोषले पाकिस्तानलाई थप १.३ अर्ब डलरको आर्थिक सहायता प्रदान गर्न मे २९ मा बैठकल बसेसँगै सो दिन पाकिस्तानको सेयर बजार बढेको थियो ।