बालुवाटारमा मन्त्रिपरिषद बैठक सुरु, गभर्नरको नियुक्ति मुख्य अजेण्डा

काठमाण्डौ । नेपाल राष्ट्र बैंकको गभर्नर नियुक्तिको मुख्य अजेण्डालाई पारित गर्न बालुवाटारमा मन्त्रिपरिषद बैठक सुरु भएको छ ।  

प्रधानमन्त्री केपी शर्मा ओलीको सचिवालयका अनुसार केहीबेरअघिबाट मन्त्रिपरिषद बैठक बालुवाटारस्थित प्रम निवासमा सुरु भएको हो।

आजको बैठकले लामो समयदेखि रोकिएको नेपाल राष्ट्र बैंकको गभर्नर नियुक्तिको विषयलाई टुंगोमा पुर्याउने मुख्य कार्यसूचीमा प्रवेश गरी निर्णय लिनेछ । बैठकमा गभर्नर सिफारिस समितिका अध्यक्ष तथा अर्थमन्त्री विष्णुप्रसाद पौडेलले पेश गरेका तीन नामहरुमध्ये डा. विश्व पौडेललाई गभर्नर नियुक्ति गर्ने मुख्य दलहरुबीच यसअघि नै सहमति भइसकेको छ । 

बालुवाटारमा क्याबिनेट बैठक सुरु हुनुअघि सिफारिस समितिको बैठक सिंहदरबारमा बसेको थियो । सो बैठकले डा. विश्व पौडेल, डा. निलम ढुंगाना र पूर्वसचिव दिनेश भट्टराईको नाम फाइनल गरेर सरकारलाई सिफारिस गरेको थियो । फाइनल भएका ती तीन नाम लिएर अर्थमन्त्री बालुवाटार पुगेपछि बैठक सुरु भएको हो ।