.gif)
_(1).gif)
.jpg)
.png)
काठमाण्डौ । साताको चौथोे कारोबार दिन आज नेपाल स्टक एक्सचेञ्च(नेप्से) मा सामान्य अंकको वृद्धि भएको छ । आज नेप्से परिसूचक ९.३३ अंक अर्थात ०.४६ प्रतिशतले बढेर २०१७.०३ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.२९ प्रतिशतले बढेर ३५८.३७ विन्दुमा पुगेको छ । यो दिन नेप्सेमा सूचीकृत मध्ये ३०८ वटा कम्पनीको ९१ लाख ३८ हजार १५४ कित्ता सेयर ३ अर्ब ४५ करोड ८ लाख रुपैयाँभन्दा बढीको कारोबार भएको छ ।
आजको बजारबारे नेपाल इन्भेष्टर फोरमका निवर्तमान अध्यक्ष छोटेलाल रौनियार भन्छन्, ‘सेयर बजारलाई राजनीतिले समेत प्रभाव पार्ने गर्छ । यसैबीच देशको राजनीतिमा देखिएको उथलपुथलका कारण सेयर बजारमा समेत प्रभाव देखिएको छ । वर्षमान पुन अर्थमन्त्रि बन्ने खबर बाहिरिए पछि पनि बजारले सकारात्मक प्रतिक्रिया जनाएको छ । ’
पुन पनि बजारप्रति उदारवादी ने भएको र उनी मन्त्रि हुँदा जलविद्युत क्षेत्रमा राम्रै प्रभाव छाडेको रौनियारले बताए ।
अर्थशास्त्री सूर्यनारायण पौडेल भन्छन्,‘बजार बियरिसको बटममा छ । त्यसैले बजारप्रति निराश हुनुपर्ने कुनै कारण छैन ।’
अर्थमन्त्रि को बन्ने भन्ने विषयले भन्दा पनि बजार अवस्था कस्तो भन्ने कुराले प्रभाव पार्ने उनले बताए । अहिले बजार धेरै नै घटेकोले बजार माथि जानुको विकल्प नरहेको उनी बताउँछन् । ‘बजारबारे अर्थमन्त्रिले नकारात्मक नबोले मात्रै पनि बजारआफ्नो गतिमा अघि बढ्छ । त्यसैले बुलिस यात्राको विकल्प छैन । ’ उनले भने ।
.gif)
यो दिन नेप्सेमा सूचीकृत १३ वटा समूहमध्ये तीनवटा समूहबाहेक अन्य सबै समूहमा हरियाली छाएको छ । आज वित्त समूहमा सबैभन्दा धेरै वृद्धि देखिएको छ । यो समूह १.६८ प्रतिशतले बढेको छ ।
त्यस्तै विकास बैंक समूह ०.१३, होटल ०.८६,हाईड्रो ०.९४,लगानी ०.४२,उत्पादन तथा प्रशोधन ०.८०,लघुवित्त ०.७०,निर्जीवन बीमा ०.२७ अन्य १.१७ र व्यापार समूह १.३० प्रतिशतले बढेको छ ।
आज बैंकिङ समूह ०.१० प्रतिशत,जीवन बीमा ०.०२ र म्युचुअल फण्ड ०.०३ प्रतिशतले घटेको छ ।
धेरै कारोबार गर्ने कम्पनीहरु
आज सोनापुर मिनरल्सको सर्वाधिक सेयर कारोबार भएको छ । आज यो कम्पनीको ३३ करोड ३३ लाख बढीको सेयर कारोबार भएको छ । यो दिन शिवम् सिमेन्टको २७ करोड ७८ लाख,घोराही सिमेन्टको १२ करोड ९४ लाख,हिमालयन रिको १२ करोड ९४ लाख र एनआरएनको ७ करोड ७१ लाख बढीको सेयर कारोबार भएको छ ।
धरै कमाउने र गुमाउने कम्पनीहरु
आज दोल्ती पावरको सेयरमूल्य सर्वाधिक बढेको छ । यो कम्पनीको सेयरमूल्य ९.५९ प्रतिशतले बढेको आज स्वरोजगार लघुवित्तको सेयरमूल्य ८.७०,सीवाईसी लघुवित्तको ८ र नेपाल रिपब्लीक मिडियाको सेयरमूल्य ६.९१ प्रतिशतले बढेको छ ।
यो दिन मोलुङ हाईड्रोको सेयरमूल्यमा सर्वाधिक गिरावट आएको छ । आज यो कम्पनीके सेयरमूल्य ९.७१ प्रतिशतले घटेको छ ।
त्यस्तै गुँरास लघुवित्तको सेयरमूल्य ४.५२ प्रतिशत र बिपिडब्लू लघुवित्तको सेयरमूल्य ३.०४ प्रतिशतले घटेको छ ।
.png)
.jpg)
.gif)
.gif)
.gif)
