(2).gif)
(1).gif)
(3).gif)
.jpg)
.gif)
.png)
काठमाण्डौ । सेयरबजारका चर्चित लगानीकर्ता दिपेन्द्र अग्रवाल आज प्रक्राउ परेसँगै उनका स्क्रिप्टहरु ह्वात्तै घट्न पुगेको छ । अग्रवालले चलाउँदै आएका भनिएका स्क्रिप्टहरुमा आज भारी गिरावट आएको छ ।
विशेषगरी लो क्यापमा गनिने केही विकास बैंकहरुमा अग्रवालको ठूलो लगानी रहेको छ । उनले सामाजिक सञ्जालहरुमा समेत खुलेआम ती स्टकहरुको प्रचारप्रसार गर्दै आइरहेका छन् ।
स्रोतका अनुसार अग्रवालको ग्रीन डेभलपमेन्ट बैंक, सप्तकोशी डेभलपमेन्ट बैंक, कर्पोरेट डेभलपमेन्ट बैंक र सिन्धु विकास बैंकमा ठूलो लगानी रहेको छ । सोमबार टोखास्थित उनको कार्यालयबाट प्रहरीले अग्रवाललाई नियन्त्रणमा लिएपनि उनले चलाउँदै आएका स्क्रिप्टहरुमा आज भारी गिरावट आएको हो ।
जसमा ग्रीन डेभलपमेन्ट बैंक र सप्तकोशी डेभलपमेन्ट बैंकको सेयरमा लोवर सर्किट लागेको छ । यी दुबै बैंकको सेयरभाउ १० प्रतिशतले घटेको छ । ग्रीनको सेयरभाउ १३२९.६० रुपैयाँ र सप्तकोशीको सेयरभाउ ९३५ रुपैयाँ कायम भएको छ ।
यता कर्पोरेट डेभलपमेन्ट बैंकको सेयरभाउ पनि ९.९६ प्रतिशतले घटेर २११६.५५ रुपैयाँ कायम भएको छ भने सिन्धु विकास बैंकको सेयरभाउ ६.३६ प्रतिशतले घटेर ८०७.६३ रुपैयाँ कायम भएको छ ।
त्यस्तै, उनले बेलाबखतमा प्रचार गरिरहने जोशी हाइड्रोको सेयरभाउ पनि आज ४.१५ प्रतिशतले घटेर ३४४ रुपैयाँ कायम भएको छ । केही समयअघि अग्रवालले खुलेआम रुपमा जोशी हाइड्रोपावरको सेयर भिडाएर उम्किन अनेकन स्टाटसहरु लेख्ने गरेका थिए ।
पछिल्लो समय अग्रवालको एक ब्रोकर कम्पनीसँग कारोबारसम्बन्धी विवाद थियो । सोही विवादमा ब्रोकर कम्पनीले दिएको उजुरीको आधारमा धोकापूर्ण कारोबारको कसुरमा उनलाई नियन्त्रणमा लिइएको प्रहरीको दाबी छ ।
(1).gif)
(2).gif)
(2).gif)
.png)
.gif)
.jpg)
.jpg)
.jpg)
