.gif)
(1).gif)
(2).gif)
(1).png)
(1).gif)
.png)
काठमाण्डौ । वित्त खर्च बढेसँगै अपि पावर कम्पनी लिमिटेडको नाफामा कमी आएको छ । कम्पनीले गत आवको चौथो त्रैमाससम्म ४२ करोड ७६ लाख रुपैयाँ खुद नाफा आर्जन गरेको छ । यो रकम अघिल्लो आवको सोही अवधिको तुलनामा ४.६९ प्रतिशतले कम हो । अघिल्लो आवको सोही अवधिसम्म भने कम्पनीले ४४ करोड ४७ लाख खुद नाफा आर्जन गरेको थियो ।
कम्पनीले समीक्षा अवधिसम्म विद्युत बिक्रीमार्फत १ अर्ब ३६ करोड रुपैयाँ आम्दानी गरेको छ । जुन अघिल्लो आवको तुलनामा २८.३१ प्रतिशतले बढी हो । अघिल्लो आवको चौथो त्रैमाससम्म कम्पनीले विद्युत बिक्रीमार्फत १ अर्ब ६ करोड रुपैयाँ खुद आम्दानी गरेको थियो । कम्पनीले यो अवधिसम्म २ करोड २ लाख रुपैयाँबराबरको अन्य आम्दानी गरेको छ । अघिल्लो आवमा भने कम्पनीले जम्मा ९० लाख ८० हजार रुपैयाँबराबरको अन्य आम्दानी गरेको थियो ।
.gif)
.gif)
कम्पनीको प्रशासनिक खर्च ४ करोड ७ लाख, बिक्री÷वितरण खर्च २८ करोड २७ लाख , ह्रासकट्टी खर्च ४२ करोड ११ लाख र वित्त खर्च ५८ करोड १६ लाख रुपैयाँ रहेको छ । अघिल्लो आवमा भने कम्पनीको वित्त खर्च ४९ करोड ३५ लाख थियो । यस्तै कम्पनीको वित्त आम्दानी २० लाख ५९ हजार रहेको छ ।
६ अर्ब ७ करोड रुपैयाँ चुक्तापूँजी भएको कम्पनीको कुल चालु सम्पत्ति ८० करोड ३२ लाख र कुल चालु दायित्व १ अर्ब ३४ करोड रुपेयाँ रहेको छ ।
समीक्षा अवधिसम्म कम्पनीको प्रतिसेयर आम्दानी(ईपीएस) घटेको छ । अघिल्लो आवमा ८.०२ रुपैयाँ रहेको ईपीएस ७.०४ रुपैयाँ पुगेको छ । कम्पनीको प्रतिसेयर नेटवर्थ १११.०७ रुपैयाँ, मूल्य आम्दानी अनुपात ४२.०२ गुणा र तरलता अनुपात ०.६० प्रतिशत कायम भएको छ ।
.png)
.png)
.jpg)
