भ्रष्टाचार छानबिनका लागि उच्चस्तरीय आयोग गठन गर्ने मागमा एमालेको सहमति

काठमाण्डौ । जेनजी आन्दोलनकारीहरुले उठाएका प्रमुख माग भ्रष्टाचार छानबिनका लागि उच्चस्तरीय आयोग बनाउने विषयमा एमालेले समर्थन जनाएको छ । 

महासचिव शंकर पोखरेलले केहीबेरअघि एक विज्ञप्ति प्रकाशित गरी नेकपा एमाले कसैबाट भएको कुनै पनि प्रकारको भ्रष्टाचारको छानबिनका लागि उच्चस्तरीय आयोग गठन गर्ने विषयमा आफ्नो दलको विमति नरहेको प्रष्ट्याएका हुन् ।  

उनले भदौ २३ र २४ गतेका घटनाहरुको निष्पक्ष र गहिरो छानबिन गरी दोषीहरुलाई कानूनी कारबाहीमा ल्याउन उच्चस्तरीय न्यायिक छानबिन आयोग गठन गर्ने विषयमा समेत एमालेले सहमति जनाएको छ । 

यी दुवै खालका आयोगलाई सहयोग गर्न एमाले तयार रहेको महासचिव पोखरेलको भनाई छ ।  

सोही विज्ञप्तिमा एमालेले संसद विघटन भने गैरसंवैधानिक रहेको भन्दै यसलाई स्वीकार नगर्ने दाबी गरेको छ ।