उच्च विन्दुबाट १५% ले घट्यो विट्क्वाइनको मूल्य, आज मात्रै ५% को गिरावट

काठमाण्डौ । डिजिटल करेन्सी विट्क्वाइनको अल टाइम हाई मूल्यमा करिव १५ प्रतिशत गिरावट आएको छ । अघिल्लो साता हालसम्मकै उच्च मूल्य प्रतिगोटा ७३ हजार ७८० अमेरिकी डलर पुगेको यो मूद्राको मूल्य यो समचार तयार पर्दासम्म ६३ हजार ४६३ अमेरिकी डलरमा कारोबार भएको छ ।

यस हिसावले यो करेन्सीको मूल्यमा १५ प्रतिशतले गिरावट आएको छ । आज मात्रै विट्क्वाइनको मूल्यमा ५ प्रतिशतको गिरावट आएको छ ।

यससँगै अन्य करेन्सिहरुमा पनि गिरावट आएको छ । आज इथिेरियममा ६ प्रतिशत , लाइटक्वाइनमा ३ प्रतिशत र विट्क्वाइन क्याँसमा ५ प्रतिशतले गिरावट आएको छ । विश्वबजारमा सुनको मूल्यमा पनि झिनो गिरावट आएको छ । हाल बिश्वबजारमा सुन प्रतिऔंस २१६० डलरमा मा कारोबार भईरहेको छ ।