.gif)
(1).gif)
(2).gif)
(1)(2).jpg)
.gif)
.png)
काठमाण्डौ । भदौ २३ र २४ गते जेनजीहरुको आन्दोलनका कारण निजी सम्पत्तिहरुमा ठूलो क्षति पुगेपछि सरकारी स्वामित्वको नेपाल पुनर्बीमा कम्पनीलाई ठूलो भार पुगेको छ ।
दाबी भुक्तानीको ओइरो आउन थालेपछि नेपाल रि इन्स्योरेन्स हतोत्साहित बन्न पुगेको छ । नेपाल बीमा प्राधिकरणका अनुसार असोज ८ गतेसम्ममा निर्जीवन बीमा कम्पनीहरुमा २३ अर्ब रुपैयाँ भन्दा बढीको बीमा दाबी परेको छ ।
यसरी बीमा कम्पनीहरुमा अर्बौ रकम दाबी परेपछि नेपाल रिको दायित्व चुलिँदै गएको हो । निर्जीवन बीमा कम्पनीहरुले जोखिम बहन गर्नका लागि पुनर्बीमा गरेका हुन्छन् । सोही बमोजिम दाबीको ६५ प्रतिशत नेपाल रि ले बेहोर्नुपर्छ भने ३५ प्रतिशत निर्जीवन बीमकहरुले व्यहोर्छ ।
.gif)
हालसम्म परेको दाबी अनुसार करिब १५ अर्ब रुपैयाँ नेपाल रि इन्स्योरेन्सले बीमकहरुलाई भुक्तानी गर्नुपर्ने हुन्छ । तर बीमा कम्पनीहरुका अनुसार जेनजी आन्दोलनका कारण २५ अर्ब हाराहारीमा दाबी परिसकेको छ ।
यस्तो दाबीमा बीमा कम्पनीहरुले ३५ प्रतिशत जोखिम बहन गरेपनि ठूलो मूल्यका बीमालेखमा भने ३० प्रतिशत हाराहारीमा जोखिम कम्पनीहरुले लिएका छन् ।
नेपाल रि इन्स्योरेन्समा दायित्व चुलिँदै गएपछि कम्पनीका सीइओ सुरेन्द्र थापा मौखिक रुपमा राजिनामा दिएर सम्पर्क बिहिन बन्न पुगेका थिए । स्रोतका अनुसार सीईओ थापाले विहीबारबाट हाजिर गरेका छन् ।
त्यसअघि कर्मचारीसँगको विवादमा परेपछि मौखिक राजिनामा दिएर अर्थात् ‘अब म आउँदिन’ भनेर हिँडेका सीईओ थापा गत बुधबार प्रहरीकहाँ गएर ‘मिलापत्र’ भएको भन्दै बिहिबार हाजिर गर्न आएका हुन् ।
कम्पनीमा हाजिर हुनासाथ नेपाल बीमक संघका पदाधिकारीहरुले शुक्रवार कार्यालयमा पुगेर दाबी भुक्तानी यथाशीघ्र गर्नुपर्ने माग राखेका छन् । बीमाको अग्रिम दाबी भुक्तानी गरिरहेको भन्दै बीमक संघले पुनर्बीमा कम्पनीले पनि त्यसरी नै आफुहरुलाई अग्रिम भुक्तानी दिनुपर्ने माग गरेका छन् ।
स्रोतका अनुसार पुनर्बीमा कम्पनीले पनि बीमकहरुलाई हालसम्म आएको दाबीको विवरण पठाउन अनुरोध गरेको छ । संघका अध्यक्ष वीरेन्द्र बैदवारले नेपाल रि इन्स्योरेन्सले यथाशीघ्र दाबीको विवरण हेरेर अग्रिम भुक्तानी दिनुपर्ने बताए ।
.gif)
.png)
.jpg)
.jpg)
.jpg)
.jpg)
