३७% ले बढ्यो फरवार्ड माइक्रोफाइनान्सको नाफा, वितरणयोग्य मुनाफा भने ९८.५०% ले घट्यो

काठमाण्डौ । फरवार्ड माइक्रोफाइनान्स लघुवित्त वित्तीय संस्था लिमिटेडले चालु आवको पहिलो त्रैमाससम्म ५ करोड ७१ लाख रुपैयाँ खुद नाफा आर्जन गरेको छ। यो रकम अघिल्लो आवको तुलनामा ३७.३२ प्रतिशतले बढी हो ।  

अघिल्लो आवको सोही अवधिसम्म भने संस्थाले ४ करोड १६ लाख रुपैयाँ खुद नाफा कमाएको थियो । संस्थाको खुद ब्याज आम्दानी पनि १८.९२ प्रतिशतले बढेको छ । संस्थाले ३३ करोड ३९ लाख रुपैयाँबराबरको खुद ब्याज आम्दानी गरेको छ । संस्थाको खुद शुल्क तथा कमिशन आम्दानी ३ करोड ८१लाखबाट घटेर ३ करोड ३० लाखमा सीमित बनेको छ ।  

संस्थाको कुल सञ्चालन आम्दानी २५ करोड ७७ लाख र सञ्चालन मुनाफा ८ करोड १६ लाख रुपैयाँ रहेको छ ।  

अघिल्लो आवमा २३ करोड ७५ लाख रहेको संस्थाको रिटेन्ड अर्निङ घटेर ३५ लाख ५८  हजारमा सीमित बनेको छ । यस्तै संस्थाको रिजर्भको आकार भने १ अर्ब ७६ करोडबाट बढेर २ अर्ब ५ करोड पुगेको छ ।    

पहिलो त्रैमाससम्ममा १० अर्ब ३४ करोड रुपैयाँबराबरको निक्षेप संकलन गरेको संस्थाले २० अर्ब ३३ करोड रुपैयाँबराबरको कर्जा प्रवाह गरेको छ ।  

संस्थाको वितरणयोग्य मुनाफा २३ करोड ७५ लाख रुपैयाँबाट घटेर ३५ लाख ५८ हजार रुपैयाँमा खुम्चिएको छ । यसरी संस्थाको वितरणयोग्य मुनाफा ९८.५० प्रतिशतले घटेको छ । संस्थाको वितरणयोग्य प्रतिसेयर आम्दानी ४.६९ रुपैयाँले ऋणात्मक अवस्थामा छ । संस्थाको खराब कर्जा अनुपात ७.३८ प्रतिशतबाट बढेर ८.२० प्रतिशत पुगेको छ ।  

समीक्षा अवधिसम्म संस्थाको प्रतिसेयर आम्दानी १९.१२ रुपैयाँ, प्रतिसेयर नेटवर्थ २७१.७क्ष्९ रुपैयाँ,प्रति सेयर कुल सम्पत्तिको मूल्य १ हजार ८७४.७४ रुपैयाँ, मूल्य आम्दानी अनुपात ५६.५० गुणा र तरलता अनुपात ६.०८ प्रतिशत कायम भएको छ ।