.gif)
_(1).gif)
.png)
काठमाण्डौ । भारतीय सेयर लगानीकर्ताको सम्पत्ति एक वर्षमै १.६ ट्रिलियन डलरले बढेको छ । भारतको आर्थिक वर्ष सकिनै लाग्दा भारतीय लगानीकर्ताको सम्पत्तिमा व्यापक उछाल आएको हो ।
भारतीय सेयर बजार पूँजीकरण एक वर्षमै १.६ ट्रिलियन डलर(१३२ लाख करोड भारु)ले बढेको छ । सन् २०२३ अप्रिल र २०२४ को बीचमा बेम्बे स्टक एक्सचेञ्जको बजार पूँजीकरण २६२ लाख करोठड भारुबाट बढेर ३९४ लाख करोड भारु अर्थात ४.७ ट्रिलियन डलर पुगेको छ । यो भारतको मार्केट क्यापमा एक वर्षमा आएको अहिलेसम्मकै सबैभन्दा ठूलो उछाल हो ।
भारतीय आर्थिक वर्षको अन्तिम कारोबार दिन हिजो सेन्सेक्स करिब एक प्रतिशत अर्थात ६५५ अंकले बढेर ७३ हजार ६५१ विन्दुमा बन्द भएको थियो । गत ७ मार्चमा यो रेकर्डस्तरमा पुगेको थियो ।
(1).gif)
भारतीय सेयर बजारमा पुराना कम्पनी र नयाँ सफट्वेयर,एफएमजीसी र निजी बैंकहरुको सेयरमा आकर्षण देखिएको छ । सेन्सेक्स सेयरमा टाटा मोटर्सको सेयरमूल्य दुईगुणाले वृद्धि भएको छ । सरकारी कम्पनी एनटीपीसीको सेयरमूल्य पनि करिब दुई गुणाले वृद्धि भएको छ ।
अर्कोतर्फ एचयूएल,एशियन पेन्ट्स र कोटक महिन्द्रा बैंकको सेयरले भने लगानीकर्तालाई निराश बनाएको छ । यो आर्थिक वर्षमा भारतको सेन्सेक्स २५ प्रतिशत र निफ्टी २९ प्रतिशतले वृद्धि भएको छ । रियल स्टेट समूह १२९ प्रतिशतले बढ्यो भने यूटिलिटी ९३, पावर ८६ र वित्तीय सेवा समूह २२ प्रतिशतले बढ्यो ।
चीनको कमजोरीको फाइदा
चीनको सेयर बजारमा आएको गिरावट भारतका लागि बरदान सावित भएको छ । चीनको सेयर बजारको विकल्पको रुपमा विदेशी लगानीकर्ताले भारतको सेयर बजारमा २.१ लाख करोड भारु लगानी गरेका छन् । जुन एक वर्षमा भित्रिएको दोस्रो सबैभन्दा उच्च विदेशी लगानी हो । सन् २०२१ मा भारतको सेयर बजारमा २.७ लाख करोड भारु विदेशी लगानी भित्रिएको थियो ।
यतिबेला चीनको कमजोर अर्थतन्त्रका कारण त्यहाँको सेयर बजारमा गिरावट आईरहेको छ भने विश्वको कमजोर अर्थव्यवस्थाका बाबजुत भारतको सेयर बजारमा भने निरन्तर उछाल आईरहेको छ । -एजेन्सी
.gif)
.png)
.jpg)
.jpg)
(91).jpg)
(4).png)
.jpg)
.gif)
(1).gif)
.gif)
