हायात प्लेस बुटवलमा ‘न्यू इयर्स इभ अन्डर द स्टार्स’ कार्यक्रम सम्पन्न

काठमाण्डौ । हायात प्लेस बुटवलले नयाँ वर्ष २०२६ को स्वागतका लागि आयोजना गरेको ‘न्यू इयर्स इभ अन्डर द स्टार्स’ कार्यक्रम सम्पन्न गरेको छ। डिसेम्बर ३१ को साँझ ७ बजेदेखि खुल्ला आकाशमुनि होटेलको स्विमिङ पुल परिसरमा आयोजित उक्त कार्यक्रममा नेपाल तथा भारतका विभिन्न स्थानबाट आएका पाहुनाहरूको उल्लेखनीय उपस्थिति रहेको थियो। 

लक्जरी आतिथ्य, सशक्त मनोरञ्जन र स्वादिष्ट परिकारको संयोजनले उक्त साँझलाई पश्चिम नेपालकै उत्कृष्ट न्यू इयर पार्टी गन्तव्यको रूपमा स्थापित गराएको आयोजकको भनाइ छ।

जाडोयामको रमणीय मौसम र वरपरका पहाडी दृश्यबीच रंगीन बत्तीहरूले सजाइएको कार्यक्रम स्थलले सन् २०२५ लाई बिदाइ र सन् २०२६ को स्वागतका लागि आकर्षक माहोल सिर्जना गरेको कम्पनीले जनाएको छ। कार्यक्रमको सञ्चालन मिस एसिया प्यासिफिक इन्टरनेसनल नेपाल २०२५ प्राप्ति रानाभटले गरेकी थिइन्।

कार्यक्रममा विभिन्न प्रस्तुती पेश भएका थिए । कार्यक्रमको सफलताप्रति प्रतिक्रिया दिँदै हायात प्लेस बुटवलका जनरल म्यानेजर तुषार नगर ले भने,‘न्यू इयर्स इभ अन्डर द स्टार्स’ कार्यक्रममा पाहुनाहरूको उत्साहजनक सहभागिताले हामी अत्यन्तै खुसी छौँ। खुल्ला आकाशमुनि संगीत, खानपान र बुटवलको सुन्दर दृश्यसँगै मनाइएको यो उत्सवले पाहुनाहरूलाई नयाँ वर्षको सुरुवातमा अविस्मरणीय अनुभव दिएको छ भन्ने विश्वास लिएका छौँ।’