हर्क साम्पाङविरुद्ध पर्यो निर्वाचन आयोगमा उजुरी

काठमाण्डौ । सुनसरी–१ बाट प्रतिनिधिसभा उम्मेदवार हर्क साम्पाङविरुद्ध निर्वाचन आयोगमा उजुरी परेको छ। उजुरीमा साम्पाङले चुनावी प्रचारमा बालबालिकालाई प्रयोग गरेको आरोप लगाइएको छ।

धरान नगर बाल सञ्जालले जिल्ला प्रहरी कार्यालय र निर्वाचन अधिकृतको कार्यालयमा उजुरी दर्ता गर्दै, बालबालिकालाई राजनीतिक उद्देश्यका लागि प्रयोग गर्नु गैरकानुनी भएको उल्लेख गरेको छ।

बालबालिका ऐन, २०७५ को दफा ७, उपदफा (७) अनुसार प्रत्यक्ष वा अप्रत्यक्ष रूपमा राजनीतिक उद्देश्यका लागि बालबालिकाको प्रयोग गर्न नपाइने उल्लेख छ ।