सलिकोमा एक% भन्दा बढी सेयर स्वामित्व भएका सेयरधनीको संख्या १७ पुग्यो, कसको कति छ लगानी ?

काठमाण्डौ । सगरमाथा लुम्बिनी इन्स्योरेन्स (सलिको)मा एक वा सो भन्दा बढी प्रतिशत सेयर स्वामित्व रहेका सेयरधनीको संख्या १७ पुगेको छ ।  

यसअघि कम्पनीमा ११ सेयरधनीको मात्रै एक वा सो भन्दा बढी प्रतिशत सेयर स्वामित्व थियो ।

कम्पनीमा ५१ प्रतिशत संस्थापक समूह र ४९ प्रतिशत सर्वसाधारण सेयरधनीको लगानी अर्थात सेयर स्वामित्व छ । संस्थापकतर्फ नेपाली संस्था तथा कम्पनीहरुको ११.५६ प्रतिशत, नेपाली नागरिकको २८.०१ प्रतिशत र सिलिन्को इन्स्योरेन्स पीसीएल, श्रीलङ्काको ११.४३ प्रतिशत सेयर स्वामित्व छ ।  

कम्पनीमा सर्वाधिक सिलिन्को इन्स्योरेन्स पीसीएल, श्रीलङ्काको लगानी छ । ११.४३ प्रतिशत अर्थात कुल २९ लाख ९७ हजार ४५८ कित्ता सेयर सिलिन्को इन्स्योरेन्सको स्वामित्वमा रहेको छ । अघिल्लो वर्षको तुलनामा सिलिन्कोले सलिकोमा १२.३९ प्रतिशतले लगानी थपेको छ ।  

अघिल्लो वर्ष सिलिन्कोको सगरमाथा लुम्बिनी इन्स्योरेन्समा २६ लाख ६६ हजार ७७८ कित्ता सेयर स्वामित्वमा रहेको थियो । उक्त वर्ष कम्पनीमा एक प्रतिशत वा सो भन्दा बढी सेयर स्वामित्व रहेका सेयरधनीको संख्या ११ मात्रै रहेकाले सिलिन्कोको सेयर स्वामित्व २० प्रतिशत थियो ।  

Sponsored

Sponsored

त्यस्तै, दोस्रो बढी लगानी लुम्बिनी विकास बैंकको छ । कम्पनीमा बैंकको कुल ११ लाख ७ हजार ९७५ कित्ता सेयर स्वामित्वमा रहेको छ । अर्थात् ४।२२ प्रतिशत लगानी हिस्सा लुम्बिनी विकास बैंकको छ ।  

यसका साथै मनोहर दासमूलको ४।१४ प्रतिशत अर्थात १० लाख ८४ हजार ७४८ कित्ता सेयर स्वामित्वमा रहेको छ । साल्ट ट्रेडिङ कर्पोरेशनको पनि सलिकोमा ३.४७ प्रतिशत लगानी अर्थात ९ लाख १० हजार ९८९ कित्ता सेयर स्वामित्वमा छ ।  

त्यस्तै, सनराइज बैंकको ३.३० प्रतिशत अर्थात ८ लाख ६४ हजार २९६ कित्ता, दिब्यमणि राजभण्डारीको ३.०१ प्रतिशत हिस्सा अर्थात ७ लाख ९० हजार ३१४ कित्ता, ओभरसिज ट्रेडिङ कम्पनीको १.५६ प्रतिशत अर्थात ४ लाख ७ हजार ९३६ कित्ता, सुरज वैद्यको १.५३ प्रतिशत अर्थात ४ लाख ७७६ कित्ता, शंकर घिमिरेको १.४६ प्रतिशत अर्थात ३ लाख ८१ हजार ६०६ कित्ता, नरेन्द्र कुमार अग्रवालको १.४३ प्रतिशत अर्थात ३ लाख ७४ हजार ७२६ कित्ता, अशोक कुमार तोदीको १.४३ प्रतिशत अर्थात ३ लाख ७४ हजार ६७१ कित्ता र चिन्तामणि भट्टराईको १.३४ प्रतिशत अर्थात ३ लाख ५० हजार १९९ कित्ता सेयर स्वामित्व रहेको छ ।  

साथै हिमाल एण्ड कम्पनी प्रालि, भाजुरत्न एण्ड कम्पनी प्रालि र ज्योति एण्ड कम्पनी प्रालि भने १.१२ प्रतिशत दरको २ लाख ९३ हजार ८६३ कित्ता सेयर स्वामित्व छ । त्यस्तै, राम कृष्ण मानन्धरको १.१२ प्रतिशत अर्थात २ लाख ९३ हजार ८६२ कित्ता र अरुण राज श्रेष्ठको १.०१ प्रतिशत अर्थात २ लाख ६६ हजार ७६ कित्ता सेयर स्वामित्व छ ।