(3).gif)
(2).gif)
.jpg)
.png)
काठमाण्डौ । साताको अन्तिम कारोबार दिन आज नेपाल स्टक एक्सचेञ्च(नेप्से) मा झिनो अंकको गिरावट भएको छ । आज नेप्से परिसूचक ०.१३ प्रतिशत अर्थात २.७३ अंकले घटेर २००४.०५ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.०९ प्रतिशतले घटेर ३५५.४२ विन्दुमा पुगेको छ । यो दिन नेप्सेमा सूचीकृत मध्ये ३०२ वटा कम्पनीको ६९ लाख ६३ हजार ३५९ कित्ता सेयर ३ अर्ब ३ करोड ७२ लाख रुपैयाँभन्दा बढीको कारोबार भएको छ ।
आजको बजारबारे बजार जानकार उपेन्द्र पाठक भन्छन्, ‘अहिले ब्याजदर घट्दा पनि सेयर बजारमा खासै बढ्न सकेको छैन । यसलाई सरकारप्रति लगानीकर्ताको अविश्वासका रुपमा लिन सकिन्छ । त्यसैले नीतिगत सुधारको विकल्प देखिदैन । ’
पाठकले सेयर बजारबाट आधि लगानीकर्ता पलायन भईसकेको र राष्ट्र बैंकमा गएर पैसा थुप्रिएको बताए । यहि अवस्थामा आईपीओ निष्कासनको अनुमतिले सेयर बजारबाट झनै पैसा बाहिरिएको उनले बताए । ‘सरकारले माग बढाउने काम गर्न सकेन भने बजार यस्तै पनि रहन सक्छ । आज बजार घट्दा कारोबार रकम भने बढ्नुले लगानीकर्ताले खासै बेच्न नचाहेको बुझ्न सकिन्छ ।’ उनले भने ।
अर्का बजार जानकार यज्ञ घिमिरे भन्छन्,‘चैत मसान्तको कारण बजार घटिरहेको छ । नयाँ अर्थमन्त्रीबाट अपेक्षा गरेअनुसार काम नहुँदा बजार घटेको छ । लगानीकर्ता माओवादी सरकारसँग डराएको देखिन्छ । सरकारले नीतिगत सुधार गरेर लगानीकर्ताको मन जित्नुपर्छ । अब लगानी सम्मेलन पनि आउँदै गरेकाले देशमा सरकार भएको आभाश हुनुपर्छ ।’ घिमिरेले भने ।
(2).gif)
.gif)
यो दिन नेप्सेमा सूचीकृत १३ वटा समूहमध्ये ५ वटा समूहमा हरियाली छायो भने अन्य सबै समूहमा रातो पोतियो । आज लघुवित्त समूहमा सर्वाधिक अर्थात २.३५ प्रतिशतको वृद्धि देखियो । यो दिन वित्त समूह ०.३२,होटल १.६७,निर्जीवन बीमा ०.२८ र व्यापार समूह ०.११ प्रतिशतले बढ्यो ।
धेरै कारोबार गर्ने कम्पनीहरु
यो दिन गोर्खाज फाइनान्सको सर्वाधिक सेयर कारोबार भएको छ । कम्पनीको आज २३ करोड ३२ लाख बढीको सेयर कारोबार भएको छ ।
त्यस्तै शिवम् सिमेन्टको १८ करोड ३८ लाख,सर्वोत्तम सिमेन्टको १८ करोड २४ लाख,सूर्यज्योति लाइफको ६ करोड २३ लाख र सोनापुर मिनरल्सको ६ करोड २ लाख बढीको सेयर कारोबार भएको छ ।
धरै कमाउने र गुमाउने कम्पनीहरु
आज मानुषी लघुवित्त,मनकामना स्मार्ट लघुवित्त,गुँरास लघुवित्त र तारागाउँ रिजेन्सी होटलको सेयरमूल्यमा सकारात्मक सर्किट लागेको छ । यी कम्पनीहरुको सेयरमूल्य क्रमशः१०,९.९९,९.९७ र९.९० प्रतिशतले वृद्धि भयो । आज धेरैजसो लघुवित्तहरुको सेयरमूल्यमा उछाल आएको छ ।
यो दिन पिपुल्स पावरको सेयरमूल्य सर्वाधिक घट्यो । यो कम्पनीको सेयरमूल्य ७.२४ प्रतिशतले घटेको आज सर्वोत्तम सिमेन्टको ५.८५ प्रतिशत,रिभर फल्स पावरको ४.०९ र इमर्जिङ नेपालको सेयरमूल्य ३.४६ प्रतिशतले घट्यो ।
(1).gif)
.gif)
.gif)
(1).gif)
(2).gif)
.png)
.jpg)
(2).jpg)
.jpg)
.jpg)
