तेलको मूल्य प्रतिब्यारेल १८० डलरसम्म पुग्नेसक्ने साउदी अरबको आकलन

काठमाण्डौ । साउदी अरबका अधिकारीहरुले अप्रिलको अन्त्यसम्म तेलको मूल्य प्रतिब्यारेल १८० डलरसम्म पुग्न सक्ने आकलन गरेका छन् ।  

होर्मुज स्ट्रेटमा अवरोध सिर्जना हुँदा अप्रिलको अन्त्यसम्म पनि अवरोध कायम नै रहे तेलको मूल्य बढ्न सक्ने संकेत व्यक्त गरिएको हो । 

फेब्रुअरी २८ मा इरान युद्ध सुरु भएयता तेलको मूल्यमा तीव्र उतारचढाव आइरहेको छ । बिहीबार ब्रेन्ट क्रुडको मूल्य केही समयका लागि प्रति ब्यारेल ११९ डलरको नजिक पुगेर फेरि घटेको थियो ।

रियादस्थित किङ फैसल सेन्टर फर रिसर्च एन्ड इस्लामिक स्टडिजका साउदी अरबको विदेश नीतिका विशेषज्ञ उमेर करिमले अलजजिरालाई बताएअनुसार, युद्ध यसरी नै अगाडि बढिरहे तेलको मूल्य प्रति ब्यारेल कम्तीमा १५० डलर पुग्ने सम्भावना उनले औंल्याए ।