राजनीतिक नियुक्ति पाएकाहरूलाई राजीनामा दिन रवि लामिछानेको आग्रह

काठमाण्डौ । राष्ट्रिय स्वतन्त्र पार्टीका अध्यक्ष रवि लामिछानेले अघिल्ला सरकारबाट राजनीतिक आधारमा नियुक्ति पाएकाहरूलाई पदबाट हट्न आग्रह गरेका छन्।

फागुन २१ गते सम्पन्न प्रतिनिधिसभा निर्वाचनमा करिब दुईतिहाइ बहुमत हासिल गर्दै सरकार गठन गरेको रास्वपाका अध्यक्ष लामिछानेले पूर्व सरकारद्वारा नियुक्त भएका पदाधिकारीहरूलाई स्वेच्छिक राजीनामा दिई नयाँ सरकारलाई काम गर्न सहज बनाइदिन अनुरोध गरेका हुन्।

 

बिहीबार संसदको पहिलो बैठकमा सम्बोधन गर्दै उनले पुराना नियुक्तिहरूले पदत्याग गरी नयाँ सरकारको कार्यसम्पादनका लागि मार्ग खुला गरिदिनुपर्ने र यसमार्फत सरकारलाई सहयोग पुग्ने बताए।