.gif)
_(1).gif)
.jpg)
.png)
काठमाण्डौ । सगरमाथा लुम्बिनी इन्स्योरेन्स (सलिको)ले आफ्ना कर्मचारीलाई साढे ६ करोड रुपैयाँ बोनस बाँडेको छ । कम्पनीले गत आवमा आफ्ना कर्मचारीलाई ६ करोड ५४ लाख रुपैयाँ बोनस बाँडेको हो ।
यो बोनस अघिल्लो आवको तुलनामा ९.७१ प्रतिशतले बढी हो । उक्त आवमा कम्पनीले कर्मचारीलाई ५ करोड ९६ लाख रुपैयाँ बोनस वितरण गरेको थियो । कम्पनीले कर्मचारीलाई दिने बोनस ९.७१ प्रतिशतले बढाएको छ ।
यसर्थ साविक सगरमाथा इन्स्योरेन्स र लुम्बिनी जनरल इन्स्योरेन्स मर्ज भई बनेको सगरमाथा लुम्बिनी इन्स्योरेन्सले मर्जरपछि पनि कर्मचारीलाई खुशी बनाएको देखिन्छ ।
साथै कम्पनीले कर्मचारीको तलब पनि २८.४३ प्रतिशतले बढाएको छ । आव २०७८÷७९ मा कर्मचारी तलबका लागि ११ करोड ७५ लाख रुपैयाँ छुट्याएको सलिकोले गत आवमा १५ करोड १० लाख रुपैयाँ छुट्याएको छ ।
साथै कम्पनीले चाडपर्व भत्ता तथा अन्य भत्ता बापत १० करोड ४८ लाख रुपैयाँ छुट्याएको छ । यो रकम पनि अघिल्लो आवको तुलनामा २१.८१ प्रतिशतले बढी हो । सो आवमा कम्पनीले ८ करोड ६० लाख रुपैयाँ रकम छुट्याएको थियो ।
त्यस्तै, कम्पनीले बिदा वापत पाउने भत्ता तथा रकम पनि ६२.६८ प्रतिशतले बढाएको छ । अघिल्लो आवमा यस्तो विदा बापत दिइने भत्ता १ करोड ४८ लाख रुपैयाँ रहेकोमा गत आवमा २ करोड ४१ लाख रुपैयाँ वितरण गरेको छ ।
(1).gif)
साथै कम्पनीले तालिम, युनिफर्म, स्वास्थ्य तथा बीमाका लागि कुल १ करोड ८१ लाख रुपैयाँ खर्च गरेको छ । जुन यो रकम अघिल्लो आवको तुलनामा १८।४५ प्रतिशतले बढी हो । अघिल्लो आवमा कम्पनीले यी शिर्षकहरुमा १ करोड ५३ लाख रुपैयाँ छुट्याएको थियो ।
कम्पनीले कर्मचारी हितको लागि सामाजिक सुरक्षा कोषमा जम्मा गर्ने रकम समेत २७.०७ प्रतिशतले बढाएको छ । अघिल्लो आवमा कोषमा २ करोड २० लाख रुपैयाँ जम्मा गरेकोमा गत आवमा भने २ करोड ७९ लाख रुपैयाँ जम्मा गरेको छ ।
कम्पनीले करारमा आउने कर्मचारी तथा स्वीपरलाई दिने ज्याला भने १०.३७ प्रतिशतले घटाएको छ । यस्तो शिर्षकमा कम्पनीले गत आवमा २५ लाख ७० हजार रुपैयाँ छुट्याएको छ । अघिल्लो आवमा भने कम्पनीले त्यस्ता कर्मचारीलाई २८ लाख ६७ हजार रुपैयाँ ज्याला दिएको थियो ।
यसरी कम्पनीले कर्मचारी सुविधाका लागि गत आवमा कुल ३९ करोड ४१ लाख रुपैयाँ खर्च गरेको छ । यो खर्च रकम अघिल्लो आवको तुलनामा २३.८१ प्रतिशतले बढी हो । अघिल्लो आवमा कम्पनीले ३१ करोड ८३ लाख रुपैयाँ कर्मचारी सुविधाका लागि खर्च गरेको थियो ।
.gif)
.png)
.jpg)
.png)
.jpg)
.gif)
(1).gif)
.gif)
