.gif)
_(1).gif)
.png)
काठमाण्डौ । नेपालको सेयर बजारको रौनक हराएको वर्तमान अवस्थामा छिमेकी राष्ट्र भारतको सेयर बजारमा भने बहार आईरहेको छ । भारतको सेयर बजारले लगातार नयाँ–नयाँ उचाई चुमिरहेको छ । मंगलबार ३० वटा कम्पनीको कारोबार हुने बम्बे स्टक एक्सचेञ्जको सेन्सेक्स इन्डेक्स पहिलोपटक ७५ हजार विन्दुको आँकडा पार गरेको छ ।
भारतको सेन्सेक्सको यात्रामा नजर डुलाउने हो भने,आज भन्दा २० वर्ष अघि अर्थात २००४ मा यो केवल ५ हजार विन्दु नजिक थियो । जुन मंगलबार पहिलोपटक ७५ हजार विन्दुमा पुगेको छ ।
यस क्रममा भारतको सेयर बजारले सन् २००८ को विश्व आर्थिक मन्दी र २०२०–२१ को कोरोना महामारीको प्रभावको पनि सामना गरेको थियो । तर यी सबै अवरोधहरुका बाबजुत पनि भारतको सेयर बजारले नयाँ उचाईहरु हासिल गरिरहेको छ ।
सन् २००४ मा सेन्सेक्स इन्डेक्स ५ हजार विन्दु नजिक थियो । तर सन् २००६ को फेब्रअरीमा योे १० हजार विन्दुमा पुगेको थियो । यसको एक वर्षपछि अर्थात सन् २००७ को अन्त्यमा सेन्सेक्स इ्रन्डेक्स २० हजार विन्दुसम्म पुगेको थियो । तर यसपछि भने सेन्सेक्सको गतिमा केहि सुस्तता आयो र २०–३० हजारको विन्दुमा लामो समयसम्म चलिरह्यो । ७ वर्षपछि केन्द्र सत्तामा नरेन्द्र मोदीको सरकार आउँदा सेन्सेक्स २५ हजार विन्दु नजिक थियो ।
सन् २०१४ मा २५ हजारको विन्दुबाट अघि बढ्न सुरु गरेको सेन्सेक्स सन् २०१७ को अप्रिलसम्म आईपुग्दा ३० हजार विन्दुमा पुगेको थियो । यसपछि सन् २०१९ को सुरुवातमा १० हजार अंकको बढोत्तरीका साथ सेन्सेक्स ४० हजार विन्दुमा पुगेको थियो ।
सन् २०२१ फेब्रुअरी महिनामा सेन्सेक्स पहिलोपटक ५० हजार विन्दु पार पुगेको थियो । यसपछि त यो केवल १५८ दिनमा अर्थात २४ डिसेम्बर २०२१ मा पहिलोपटक ६० हजारको विन्दुमा पुगेको थियो ।
६० हजारको विन्दुबाट बढेर ७० हजारसम्म पुग्न सेन्सेक्सलाई ५४८ कारोबार दिनको समय लागेको थियो । भारतीय सेयर बजारका विश्लेषकहरुले अब सेन्सेक्स चाडै नै ८० हजारको विन्दुमा पुग्ने अनुमान गरेका छन् ।
(1).gif)
सन् २००८ को विश्व आर्थिक मन्दीको क्रममा भारतको सेयर बजार सबेभन्दा बढी प्रभावित बनेको थियो । त्यसबेला सन् २००७ जनवरीमा सेन्सेक्स २०३२५ विन्दुमा थियो । तर सन् २००८ को डिसेम्बरमा यो ९६४७ विन्दुमा झरेको थियो ।
सेन्सेक्ससँगै भारतको निफ्टी५० ले पनि मंगलबार नयाँ रेकर्ड राखेको छ । निफ्टी पहिलोपटक २२,७६५.१० को उचाईमा पुगेको छ ।
भारतमा भारतीय जनता पार्टी(बिजेपी)को सरकार आउने विश्वासका साथ लगानीकर्ताको मनोबल उच्च भएकाले सेयर बजार वृद्धि भईरहेको भारतीय मिडियाले बताएका छन् ।
यसका साथै विदेशी लगानीकर्ताले समेत भारतीय बजारमा लगानी बढाएकाले त्यहाँको सेयर बजार बढ्न पुगेको हो । पछिल्लो सेसनमा भारतीय बजारमा विदेशी लगानीकर्ताले १ हजार ६५९।२७ करोड भारु लगानी गरेका छन् । जसले मार्केटको सेन्टिमेन्ट सकारात्मक बनेको छ ।
त्यस्तै अमेरिकी केन्द्रीय बैंक फेटले मार्च महिनामा ब्याजदरमा कटौती गर्ने सम्भावना बढी भएकाले समेत भारतको सेयर बजारमा वृद्धि देखिएको रिपोर्टमा उल्लेख गरिएको छ ।
.gif)
.png)
.jpg)
.jpg)
(91).jpg)
(4).png)
.jpg)
.gif)
(1).gif)
.gif)
