इन्धनको मूल्य बढेपछि फेरी सार्वजनिक यातायातको भाडा बढाउन माग

काठमाण्डौ । इन्धनको मूल्य वृद्धिपछि नेपाल यातायात व्यवसायी राष्ट्रिय महासंघले सार्वजनिक यातायातको भाडा बढाउन माग गरेको छ ।  

महासंघले प्रेस विज्ञप्ति जारी गर्दै इन्धनको मूल्य वृद्धि भएको अवस्थामा सार्वजनिक यातायातको भाडादर पनि बढाउन माग गरेको छ । साथै भाडा नबढाउने अवस्थमा महासंघले इन्धनको मूल्य वृद्धि फिर्ता गरिनुपर्ने समेत माग गरेको छ ।  

सरकारले अन्तर्राष्ट्रिय कारण देखाउँदै पेट्रोलियम पदार्थको मूल्य पुनः बढाएको छ । सोहीबमोजिम सरकारले एक साताअघि मात्रै सार्वजनिक सवारीको भाडा बढाएको थियो ।  

सरकारले भाडा बढाएपछि मात्रै पनि इन्धनको मूल्य भने दुईपटक वृद्धि भइसकेको छ । नेपाल आयल निगमले पेट्रोलको मूल्य प्रतिलिटर २३७ रुपैयाँ र डिजेलको मूल्य प्रतिलिटर २०७ रुपैयाँ पुर्याएको छ ।