मन्त्रिपरिषद् बैठकको निर्णय : १५ कन्सुल जनरल तथा कन्सुल हटाइए

काठमाण्डौं ।  आज बसेको मन्त्रिपरिषद् बैठकले विदेशस्थित १५ जना नेपाली अनररी कन्सुल जनरल तथा कन्सुललाई पदमुक्त गर्ने निर्णय गरेको छ।

सरकारकी प्रवक्ता सस्मित पोलरेलका अनुसार विभिन्न मुलुकमा कार्यरत अनररी कन्सुलहरूको सेवा समाप्त गरिएको छ।

बैठकले श्रम, रोजगार तथा सामाजिक सुरक्षा मन्त्रालयसम्बन्धी दुई अन्तर्राष्ट्रिय श्रम महासन्धि अनुमोदनका लागि संघीय संसदमा पेश गर्न स्वीकृति पनि दिएको छ।

यसअनुसार अन्तर्राष्ट्रिय श्रम संगठनको बाध्यकारी श्रम महासन्धि १९३० सम्बन्धी २०१४ को प्रोटोकल नम्बर २९ तथा श्रम निरीक्षण सम्बन्धी महासन्धि १९४७ नम्बर ८१ अनुमोदन प्रक्रियालाई अघि बढाइने भएको छ।

 

यस्तै, सरकारले आगामी २८ गते अपराह्न चार बजे बस्ने संघीय संसद बैठकलाई सम्बोधनका लागि राष्ट्रपतिलाई अनुरोध गर्ने निर्णय गरेको छ।