(1).gif)
(2).gif)
.png)
काठमाण्डौं । प्रतिनिधिसभाको आजको बैठकमा पनि श्रम संस्कृति पार्टीका संसदीय दलका नेता तथा अध्यक्ष हर्क साम्पाङले विरोधस्वरूप पर्चा प्रदर्शन गरेका छन् ।
बैठक शुरु हुनासाथ आसनबाट उठेका उनले सरकारलाई संसदप्रति थप जवाफदेही बनाउनुपर्ने मागसहित लिखित पर्चा देखाउँदै सदनको ध्यानाकर्षण गराएका हुन् ।
(2).gif)
.gif)
(1).gif)
साम्पाङले प्रतिनिधिसभा नियमावलीको नियम १५ को उपनियम ३ को व्यवस्था स्मरण गराउँदै प्रधानमन्त्री तथा मन्त्रीहरू संसदप्रति उत्तरदायी हुनुपर्ने प्रावधान कडाइका साथ कार्यान्वयन गर्न माग गरेका थिए ।
उनले ‘सदनबाट भाग्न नपाइने’ भन्ने सन्देश लेखिएको पर्चा प्रदर्शन गर्दै कार्यपालिका र व्यवस्थापिकाबीचको जवाफदेहिताबारे प्रश्न उठाएका थिए ।
उनको पर्चा प्रदर्शनपछि सभामुखले ध्यानाकर्षण भएको जनाउँदै सचिवालयमार्फत आवश्यक छलफल अघि बढाइने बताएका थिए ।
सभामुखको उक्त प्रतिक्रिया पछि साम्पाङ आसनमा बसेका थिए ।
.gif)
(1).gif)
त्यसपछि बैठक नियमित कार्यसूचीअनुसार अघि बढाइएको संसद सचिवालयले जनाएको छ ।
यसअघि सोमबारको बैठकमा पनि श्रम संस्कृति पार्टीका सांसदहरूले रोस्टम घेरेर पर्चा प्रदर्शन गर्दै विरोध जनाएका थिए ।
उनीहरूले सरकारको जवाफदेहिता, पारदर्शिता र संसदीय भूमिकाको प्रभावकारिताबारे प्रश्न उठाउँदै निरन्तर दबाबमूलक गतिविधि गर्दै आएका छन् ।
सभामुखले भने संसदको मर्यादा कायम राख्दै विरोधका कार्यक्रम शान्तिपूर्ण, संयमित र नियमअनुसार गर्न सांसदहरूलाई आग्रह गरेका छन् ।
.png)
.jpg)
.jpg)
.jpg)
.jpg)
