(1).gif)
(2).gif)
.png)
काठमाण्डौं । बर्दिबास–३ कालापानी मा बस्ती हटाउने सरकारी तयारीविरुद्ध स्थानीयवासी आन्दोलनमा उत्रिएपछि स्थिति तनावपूर्ण बनेको छ ।
डिभिजन वन कार्यालय महोत्तरी ले बीपी राजमार्ग आसपासको बस्ती खाली गर्न सूचना जारी गरेपछि स्थानीयले सडक अवरोध गर्दै विरोध शुरु गरेका हुन् ।
(2).gif)
.gif)
(1).gif)
सोमबार साँझदेखि नै आन्दोलनकारीहरूले बीपी राजमार्ग अवरुद्ध गरेपछि बर्दिबास–सिन्धुली सडकखण्डमा सवारी आवागमन पूर्ण रूपमा प्रभावित भएको छ ।
बस्तीमा डोजर चलाउने तयारी गरिएको भन्दै स्थानीयले विरोध चर्काएका छन् ।
तनाव बढेपछि स्थानीय प्रशासन र संघर्ष समितिबीच कालापानीस्थित सामुदायिक भवनमा वार्ता शुरु गरिएको छ ।
वार्तामा प्रमुख जिल्ला अधिकारी इन्द्रदेव यादव, प्रहरी अधिकारीहरू, स्थानीय जनप्रतिनिधि, वन कार्यालयका कर्मचारी तथा संघर्ष समितिका प्रतिनिधिहरू सहभागी छन् ।
प्रदर्शन उग्र बनेपछि सोमबार राति स्थानीयले वन कार्यालयको एउटा गाडीमा आगजनी गरेका थिए ।
त्यसअघि सडकमा धर्ना दिइरहेका स्थानीयलाई हटाउन प्रहरीले लाठीचार्ज र अश्रुग्यास प्रहार गरेको बताइएको छ ।
घटनामा केही प्रहरी घाइते भएको प्रहरीले जनाएको छ ।
स्थानीयवासीका अनुसार कालापानी क्षेत्रमा करिब ३ सय परिवार वर्षौँदेखि बसोबास गर्दै आएका छन् ।
.gif)
(1).gif)
उनीहरूले आफूहरू नयाँ अतिक्रमणकारी नभई पुरानो अव्यवस्थित बस्तीका बासिन्दा भएको दाबी गरेका छन् ।
वन कार्यालयले लालपुर्जा माग गर्दै बस्ती खाली गर्न अल्टिमेटम दिएपछि स्थानीयमा त्रास फैलिएको उनीहरूको भनाइ छ ।
स्थानीय रोशनकुमार कार्कीका अनुसार सरकारी निर्णय कार्यान्वयन भए करिब अढाई सय परिवार विस्थापित हुन सक्ने अवस्था छ ।
“हामी पुस्तौँदेखि बस्दै आएको ठाउँबाट हटाउन खोजिएको छ,” उनले बताएका छन् ।
स्थिति नियन्त्रणबाहिर जान थालेपछि बर्दिबास नगरपालिका का मेयर प्रल्हादकुमार क्षेत्रीसहितको टोली घटनास्थल पुगेको थियो ।
प्रशासनले वार्तामार्फत समाधान खोज्ने प्रयास भइरहेको जनाएको छ भने स्थानीयले स्पष्ट निर्णय नआएसम्म आन्दोलन जारी रहने चेतावनी दिएका छन् ।
.png)
.jpg)
.jpg)
