(1).gif)
(2).gif)
(1).gif)
.png)
काठमाण्डौं । स्वास्थ्य बीमा बोर्डले वित्तीय संकट चुलिँदै गएपछि निजी अस्पतालहरूमा उपलब्ध हुँदै आएको स्वास्थ्य बीमा सेवा कटौती गर्ने निर्णय गरेको छ ।
बोर्डले आकस्मिक उपचारबाहेकका बीमा सेवा जेठ १६ गतेदेखि अर्को निर्णय नभएसम्म स्थगित हुने जनाएको हो ।
(2).gif)
.gif)
बोर्डकी निमित्त कार्यकारी निर्देशक शकुन्तला प्रजापतिले जारी गरेको सूचनाअनुसार जेठ ११ गते बसेको बोर्ड बैठकले निजी स्वास्थ्य संस्थामा गैर–आकस्मिक बीमा सेवा रोक्ने निर्णय गरेको थियो ।
यस निर्णयसँगै स्वास्थ्य बीमा कार्यक्रममा आबद्ध निजी अस्पतालहरूबाट नियमित उपचार, परीक्षण तथा अन्य सामान्य बीमा सेवा तत्कालका लागि प्रभावित हुने भएका छन् ।
आकस्मिक सेवा भने निरन्तर सञ्चालन हुने बोर्डले स्पष्ट पारेको छ ।
पछिल्लो समय निजी अस्पतालहरूले सरकारले लामो समयदेखि बीमा दाबी रकम भुक्तानी नगरेको गुनासो गर्दै आएका थिए ।
(2).gif)
.gif)
वित्तीय दायित्व बढ्दै जाँदा बोर्डमाथि आर्थिक दबाब चर्किएको र त्यसकै प्रभावस्वरूप सेवा स्थगनको निर्णय लिनुपरेको बताइएको छ ।
यसले विशेषगरी दीर्घरोगी, नियमित फलोअपमा रहेका बिरामी र निजी अस्पतालबाट उपचार गराइरहेका बिमितहरूलाई प्रत्यक्ष असर पर्ने देखिएको छ ।
स्वास्थ्य बीमा कार्यक्रमको वित्तीय अवस्था, व्यवस्थापन क्षमता र दीर्घकालीन दिगोपनमाथि फेरि प्रश्न उठ्न थालेको छ ।
.gif)
(1).gif)
(2).gif)
.png)
.jpg)
