(2).gif)
.jpg)
.png)
काठमाण्डौँ । प्रधानमन्त्री बालेन शाहको नेपाल–भारत सीमा सम्बन्धी अभिव्यक्तिलाई लिएर राष्ट्रियसभामा जारी राजनीतिक विवाद आज पनि कायम रहँदा बैठक अवरुद्ध भएको छ।
बैठक शुरु हुनासाथ विपक्षी दलका सांसदहरूले आशनबाट उठेर नाराबाजी गरेपछि कार्यवाही अघि बढ्न सकेन।
आइतबार प्रतिनिधिसभामा प्रधानमन्त्री शाहले सीमा समस्या कूटनीतिक संवादमार्फत समाधान गर्नुपर्ने धारणा राख्दै दुवै देशतर्फ सीमासम्बन्धी अतिक्रमण भएको टिप्पणी गरेका थिए।
उक्त अभिव्यक्तिप्रति असन्तुष्टि जनाउँदै विपक्षी दलहरूले लगातार विरोध जनाइरहेका छन्।
उनीहरूले प्रधानमन्त्रीको भनाइलाई संवेदनशील विषयमा गैरजिम्मेवार भएको भन्दै संसदमा स्पष्टिकरणको मागसमेत गरेका छन्।
विवाद चर्किँदै जाँदा यसअघि पनि राष्ट्रियसभाका दुई बैठक कार्यसूचीमै प्रवेश नगरी स्थगित भएका थिए।
आजको बैठक पनि सोही कारण प्रभावित बनेको हो।
संसदमा निरन्तर देखिएको अवरोधका कारण विधायन प्रक्रिया अघि बढ्न नसक्दा नियमित संसदीय कामकारबाही ठप्पजस्तै बनेको छ।
.png)
.jpg)
(1)(5)(4).jpg)
