.gif)
(1).gif)
.jpg)
.png)
काठमाण्डौ । साताको पहिलो कारोबार दिन आज नेपाल स्टक एक्सचेञ्च(नेप्से) मा दोहोरो अंकको वृद्धि भएको छ । आज नेप्से परिसूचक ०.६२ प्रतिशत अर्थात १२.२९ अंकले बढेर १ हजार ९८४.४३ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.०८ प्रतिशतले बढेर ३५०.७५ विन्दुमा पुगेको छ । यो दिन नेप्सेमा सूचीकृत मध्ये ३१० वटा कम्पनीको ६३ लाख ९३ हजार २४५ कित्ता सेयर २ अर्ब २५ करोड ९९ लाख रुपैयाँभन्दा बढीको कारोबार भएको छ ।
आजको बजारबारे बजार जानकार महेश रिजाल भन्छन्, ‘आजको बढोत्तरीलाई लामो समयपछि आएको अल्पकालिन बढोत्तरीको रुपमा लिन सकिन्छ । दीर्घकालमा बजार बढ्न भने नीतिगत सुधारको विकल्प छैन । बजारको स्पष्ट दिशा भने केहि दिनको कारोबार पछि मात्रै निर्धारण हुन्छ ।’
अर्थशास्त्री सूर्यनारायण पैडेल भन्छन्,‘धेरै दिन घटेको बजार आज सर्पोट लेभलबाट फर्केको छ । मेरो विचारमा बजार १९५० बाट तल जादैन भन्ने हो । अर्थमन्त्रीले आइएमएफ र विश्व बैंकसँग परिणाममुखि छलफल गरेर आएको सुन्नमा आएको छ । आउँदै गरेको लगानी सम्मेलनबाट केहि नयाँ आउन सक्ने संकेत देखिएको छ ।’
प्राविधिक रुपमा आज सर्पोट जोनमा ह्याम्मर प्रकृतिको क्याण्डल बनेको छ र अर्को क्याण्डल बुलिस प्रकृतिको क्याण्डल बनेमा बजारले अपट्रेण्ड लिने पौडेलले बताए ।
.gif)
यो दिन नेप्सेमा सूचीकृत १३ वटा समूहमध्ये २ वटा समूहबाहेक अन्य सबै समूहमा हरियाली छायो । आज उत्पादन तथा प्रशोधन समूहमा सबैभन्दा धेरै वृद्धि देखियो । यो समूह १.९० प्रतिशतले बढेको आज विकास बैंक १.०८,वित्त ०.५०,होटल ०.३१,हाईड्रो १.१५,लगानी ०.८४,जीवन बीमा ०.४१,निर्जीवन बीमा ०.९४,अन्य ०.९५ र व्यापार समूह ०.१८ प्रतिशतले बढे ।
धेरै कारोबार गर्ने कम्पनीहरु
यो दिन गोर्खाज फाइनान्सको सर्वाधिक अर्थात १० करोड २१ लाख बढीको सेयर कारोबार भएको छ ।
त्यस्तै आज सर्वोत्तम सिमेन्टको ७ करोड ८८ लाख,पिपुल्स पावरको ७ करोड १९ लाख,रुरु जलविद्युतको ६ करोड ८८ लाख र पोखरा फाइनान्सको ६ करोड ६५ लाख बढीको सेयर कारोबार भएको छ ।
धरै कमाउने र गुमाउने कम्पनीहरु
यो दिन दोल्ती पावरको सेयरमूल्य सबैभन्दा धेरै बढ्यो । यो कम्पनीको सेयरमूल्य आज ९.९८ प्रतिशतले बढ्यो । आज एनआईसी एशिया लघुवित्तको सेयरमूल्य ८.४७ प्रतिशत,रुरु जलविद्युत कम्पनीको ८.१८अपर हेवाखोलाको ७.२५ र सर्वोत्तम सिमेन्टको सेयरमूल्य ६.५४ प्रतिशतले बढ्यो ।
आज पिपुल्स पावरको सेयरमूल्य सर्वाधिक अर्थात ७.४६ प्रतिशतले घट्यो । खानीखोला हाईड्रोको सेयरमूल्य आज ५.४७ प्रतिशत,सूर्यज्योति लाइफको ४.९७,गुराँस लाइफको ४.६८ र गोर्खाज फाइनान्सको सेयरमूल्य ४.०१ प्रतिशतले घटेको छ ।
.png)
(138).jpg)
.jpg)
.jpg)
(142).jpg)
.gif)
.gif)
.gif)
