एपोलो हाइड्रोपावरको आईपीओ सूचीकृत, भोलिदेखि कारोबारमा आउने

काठमाण्डौ । नेपाल स्टक एक्सचेञ्ज (नेप्से)मा एपोलो हाइड्रोपावारको आईपीओ सूचीकृत भएको छ । कम्पनीको आईपीओ ‘एपीएचएल’ सिम्बोलबाट सूचीकृत भएको हो । 

कम्पनीको कुल ४७ लाख कित्ता सेयर सूचीकृत भएको हो । जसमा ७० प्रतिशत दरको ३२ लाख ९० हजार कित्ता सेयर संस्थापक सेयरधनीहरुले लगानी गरेको र ३० प्रतिशत सेयर अर्थात् १४ लाख १० हजार कित्ता सर्वसाधारणहरुले लगानी गरेको सेयर रहेको छ ।  

उक्त सेयर भोलिदेखि नै धितोपत्र दोस्रो बजारमा कारोबार आउनेछ । नेप्सेले उक्त कम्पनीको सेयरलाई पहिलो कारोबारको लागि १०० रुपैयाँदेखि ३०० रुपैयाँसम्म ओपनिङ रेञ्ज प्रदान गरेको छ ।