गर्लफ्रेण्डका लागि अर्डर गरेको बर्गर खाएपछि प्रहरी अफिसरका छोराले गरे आफ्नै साथीको हत्या

काठमाण्डौ । पाकितस्तानको कराचीबाट एउटा चकित पार्ने खबर बाहिरिएको छ । कराचीमा एक जना अवकाश प्राप्त प्रहरी अधिकारीका छोराले गर्लफ्रेण्ड लागि अर्डर गरेको बर्गर खाएको भन्दै आफ्नै १७ वर्षिय साथीको हत्या गरेका छन् ।  

यो घटना गत फेब्रुअरी ८ गते कराचीको डिफेन्स हाउजिङ अथोरिटी इलाकामा घटेको थियो । हत्या भएका युवकको बुवा अदालतका न्यायधिस भएको मिडिया रिपोर्टमा जनाइएको छ । यो घटनाको सम्पूर्ण अनुसन्धान सकिएपछि हत्या गर्नुको कारणबारे खुलासा भएको हो ।  

यो घटनाको अनुसन्धानकर्ता अधिकारीहरुका अनुसार अवकाश प्राप्त प्रहरी अधिकारी(एसएसपी)नजीर अहमद मीर बहारका छोरा दानियाल मीर बहारले कराची डिस्ट्रिक्ट अदालतका न्यायधिस जावेद केरियोका छोरालाई आफ्नो घरमा बोलाएका थिए । त्यसबेला उनले आफ्नी प्रमिका शाजियालाई पनि घरमा बोलाएका थिए ।  

दानियालले आफु र आफ्नी गर्लफ्रेण्डका लागि जिंजर बर्गर अर्डर गरेका थिए । तर अलिले आधा बर्गर खाएका थिए । प्रेमिकाको बर्गर खाएको रिसमा दानियालले आफ्नो सुरक्षा गार्डको असल्ट राइफल लिएर अलिमाथि फायरिङ गरेका थिए । उपचारका लागि अस्पताल लाने क्रममा अलिको मृत्यु भएको थियो ।  

अनुसन्धानकर्ता प्रहरी अधिकारीहरुका अनुसार गर्लफ्रेण्डका आधा बर्गर नसोधिकनै खाएकाले दानियालको अलिसँग विवाद भएको थियो । दानियाले हाल प्रहरीको हिरासतमा रहेको जनाइएको छ । -एजेन्सी