.gif)
_(1).gif)
.jpg)
.png)
काठमाण्डौ । साताको दोस्रो कारोबार दिन आज नेपाल स्टक एक्सचेञ्च(नेप्से) मा झिनो अंकको वृद्धि भएको छ । आज नेप्से परिसूचक ०.०७ अंकले बढेर १ हजार ९८०.३४ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.३२ प्रतिशतले बढेर ३५१.९५ विन्दुमा पुगेको छ । यो दिन नेप्सेमा सूचीकृत मध्ये ३१७ वटा कम्पनीको ७३ लाख ४१ हजार १७७ कित्ता सेयर २ अर्ब ९५ करोड ९४ लाख रुपैयाँभन्दा बढीको कारोबार भएको छ ।
आजको बजारबारे नेपाल इन्भेष्टर्स फोरमका निवर्तमान अध्यक्ष छोटेलाल रौनियार भन्छन्, ‘लगानीकर्ताले अर्थ मन्त्रालयबाट केहि नीतिगत सुधार चाहेका कारण बजारले गति लिन नसकेको हो । ब्रोकर कसमसन पनि घटेको छ । तर लागू भने हुन सकेको छैन । मौद्रिक नीतिको समीक्षामा लगानीकर्तालाई राहात हुने गरी समीक्षा हुन आवश्यक छ ।’
अर्थमन्त्रालयले पूँजीगत लाभकर घटाउने तथा सेबोनको अध्यक्ष नियुक्त गर्ने काम यथाशिघ्र गर्नुपर्नेमा रौनियारले जोड दिए । यसरी लगानीकर्ताको मनोबल उकास्ने काम सरकारबाट चाडै भएमा बजारले गति लिने उनले बताए ।
बजार जानकार विरेन्द्र विष्टको विचारमा पनि लगानीकर्तामा अन्यौलतमा रहेका कारण बजार बढ्न नसकेको हो । ‘अर्थमन्त्रीले लगानी सम्मेलनपश्चात लगानीकर्तासँग वार्ता गर्ने सुन्नमा आएको छ । त्यहि कारण लगानीकर्ता अपेक्षा गरेर बस्दा बजारमा खासै सुधार नआएको तर बजार घट्न भने रोकिएको छ ।’विष्टले भने ।
यो दिन नेप्सेमा सूचीकृत १३ वटा समूहमध्ये ४ वटा समूहमा मात्रै हरियाली छायो भने अन्य सबै समूहमा रातो पोतियो । आज बैंकिङ समूह ०.२९ प्रतिशत,विकास बैंक १.६६,वित्त ४.१७ र म्युचुअल फण्ड ०.३८ प्रतिशतले बढ्यो ।
(1).gif)
होटल समूह ०.६० प्रतिशतले घटेको आज हाईड्रो ०.५०,लगानी ०.०१,जीवन बीमा ०.२५,उत्पादन तथा प्रशोधन ०.०६,निर्जीवन बीमा ०.५१ र अन्य समूह ०.८२ प्रतिशतले घट्यो । यो दिन लघुवित्त पनि ०.२० अंकले घट्यो ।
धेरै कारोबार गर्ने कम्पनीहरु
यो दिन पोखरा फाइनान्स कम्पनीको सर्वाधिक सेयर कारोबार भयो । यो कम्पनीको आज १७ करोड ५४ लाख बढीको सेयर कारोबार भयो ।
त्यस्तै नेपाल फाइनान्सको १४ करोड ७० लाख,जानकी फाइनान्सको ९ करोड ३२ लाख,गोर्खाज फाइनान्सको ९ करोड ८ लाख र मल्टीपर्पस फाइनान्सको ७ करोड ५२ लाख बढीको सेयर कारोबार भएको छ ।
धरै कमाउने र गुमाउने कम्पनीहरु
आज ३ वटा कम्पनीको सेयरमूल्यमा सकारात्मक सर्किट लागेको छ । आज पोखरा फाइनान्स र जानकी फाइनान्सकोे सेयरमूल्य १० प्रतिशत र नेपाल फाइनान्सको सेयरमूल्य ९.९८ प्रतिशतले बढ्यो ।
यो दिन गुराँस लघुवित्तको सेयरमूल्य ७.६१ प्रतिशत र सप्तकोशी डेभलपमेन्ट बैंकको सेयरमूल्य ६.९९ प्रतिशतले बढ्यो ।
आज पिपुल्स पावरको सेयरमूल्यमा सर्वाधिक अर्थात ६ प्रतिशतको गिरावट आएको छ ।
त्यस्तै इष्टर्न हाईड्रोपावरको सेयरमूल्य ३.८१ र मेन्छियाम हाईड्रोको सेयरमूल्य ३.२१ प्रतिशतले घट्यो ।
.gif)
.png)
.jpg)
.jpg)
(91).jpg)
(4).png)
.jpg)
.gif)
(1).gif)
.gif)
