शनिबार, मंसिर ५,२०८३ 03:35:15
  • शनिबार, मंसिर ५,२०८३ 03:35:15
Global IME Bank Limited

प्रधानमन्त्री कार्यालयको अनुमति नलिई नयाँ कर्मचारी दरबन्दी सिर्जना गर्न रोक

Bizshala
प्रधानमन्त्री कार्यालयको अनुमति नलिई नयाँ कर्मचारी दरबन्दी सिर्जना गर्न रोक
New Office

 

काठमाण्डौ ।   सरकारी निकायहरूले अब प्रधानमन्त्री तथा मन्त्रिपरिषद्को कार्यालयको पूर्वस्वीकृतिबिना नयाँ कर्मचारी दरबन्दी सिर्जना गर्न नपाउने भएका छन्।

मुख्यसचिव गोविन्दबहादुर कार्कीको अध्यक्षतामा बसेको सचिवहरूको बैठकले चालु आर्थिक वर्षभरि कुनै पनि सरकारी कार्यालयले प्रधानमन्त्री कार्यालयको स्वीकृतिबिना नयाँ दरबन्दी सिर्जना नगर्ने निर्णय गरेको हो।

CG Motors
Garima Development Bank
IME remit

बैठकपछि सार्वजनिक गरिएको २२ बुँदे निर्णयमा अस्थायी पदपूर्ति नगर्ने र स्थायी पदपूर्तिका लागि पनि प्रधानमन्त्री कार्यालयको स्वीकृति नलिई लोक सेवा आयोगमा माग पठाउन नपाइने उल्लेख छ।

नयाँ सङ्गठन तथा व्यवस्थापन सर्वेक्षणअनुसार स्वीकृत दरबन्दीमा उपलब्ध कर्मचारीलाई आन्तरिक रूपमा मिलान गरिनेछ। दरबन्दी कटौतीका कारण बढी हुने कर्मचारीलाई सङ्घीय कार्यालय, प्रदेश वा स्थानीय तहमा कामकाजमा खटाएर कामविहीन हुन नदिने निर्णयसमेत बैठकले गरेको छ।

त्यस्तै, सरकारी कर्मचारीको सरुवा, बढुवा वा अवकाश हुँदा उनीहरूले गर्दै आएको कामको विवरण र अनुभव नयाँ जिम्मेवारी सम्हाल्ने कर्मचारीलाई हस्तान्तरण गर्नुपर्ने व्यवस्था गरिएको छ।

बैठकले कामको निरन्तरता कायम गर्न ‘संस्थागत स्मृति हस्तान्तरण’ अनिवार्य गर्ने निर्णय गरेको हो। यसबाट नयाँ कर्मचारीलाई जिम्मेवारी बुझ्न र कार्यसम्पादन प्रभावकारी बनाउन सहज हुने सरकारको अपेक्षा छ।

Nabil Bank Limited

प्रतिक्रिया

0 प्रतिक्रिया
प्रतिक्रिया फारम तयार हुँदैछ...

अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।

यो पनि हेर्नुहोस

Bizshala
Bizshala
Bizshala
IME remit
Shikhar Insurance
Mahalaxmi Development Bank

हाम्रो बारेमा

Bizshala.com, operated by SOS Media Pvt. Ltd., stands as Nepal's premier financial news portal. With a keen focus on the economy, capital markets, real estate, banking and financial institutions, merchant banking, investment tools, insurance, tourism, the automotive industry, and beyond, it delivers fresh, in-depth, and investigative reporting. Since its inception, Bizshala has rapidly emerged as the nation's leading economic news platform, driven by a team of seasoned and accomplished financial journalists. Committed to delivering investigative, accurate, and innovative content, Bizshala approaches every story through a distinct economic lens, catering to the interests and curiosities of its readers.