नाइमा मोविलिटी एक्स्पोमा ईभीको दबदबा, चार ब्राण्डका १५५ भन्दा बढी गाडी बुकिङ

–रविन ठकुरी

काठमाण्डौ । ‘नाइमा’ ले आयोजना गरेको दोस्रो संस्करणको ‘नाइमा मोविलिटी एक्स्पो–२०२६’ काठमाण्डौको भृकुटीमण्डपमा सञ्चालन भइरहेको छ । एक्स्पो यही साउनको ३१ गतेसम्म सञ्चालन हुनेछ । एक्स्पोमा विभिन्न इन्धन गाडी र विद्युतीय सवारीसाधन प्रद्धर्शनी भइरहेका छन् ।

हाल विश्व बजारमा कच्चा तेलको मूल्यमा आएको मूल्यबृद्धिका कारण इन्धन सवारीसाधनको प्रयोगकर्ता धमाधम ईभीमा कन्भर्जन भइरहेका छन् । यो अवस्थामा ‘नाइमा’ को एक्स्पो राखिएका ईभीप्रति आन्तुकले रुचि देखाइरहेका छन् । अवलोकनकर्ताले आफुले रुचाएको ईभी गाडी धमाधम बुकिङ्ग गरिरहेका छन् । एक्स्पोको अन्तिम दिनसम्म बुकिङ्गको संख्या अझै बढ्ने अनुमान छ ।

एक्स्पोमा हुण्डाई क्रेटा ईभीको आकर्षण, २० वटा गाडी बुकिङ

नेपालका लागि हुण्डाई गाडीको आधिकारिक वितरक लक्ष्मी इन्टरकन्टिनेन्टल प्रालि हो । ‘नाइमा’ ले आयोजना गरेको एक्स्पोमा हुण्डाईले क्रेटा इलेक्ट्रिक एक्जुकियटिभ टेक प्रद्धर्शनीमा राखेको छ । क्रेटा ईभीप्रति आगन्तुकले रुचि देखाएका छन् ।

‘एक्स्पोको पहिलो दिनदेखि आजसम्म २० वटा क्रेटाको ईभी बुकिङ्ग भइसकेका छन् । यो ईभी ‘भ्यालू फर मनि’ भएकाले आगन्तुकले बढी रुचि देखाएका हुन् ।’, हुण्डाईका सेल्स कन्सल्टेन्ट प्रसिद्ध केसीले भने ।

‘एक्स्पोका लागि एक वर्षको अटो प्लस इन्स्योरेन्स दिएका छौं । १ लाख ४० हजार रुपैयाँको क्यास डिस्काउन्ट अफर ग्राहकलाई दिइरहेका छौं । यसले हुण्डाईको ईभी गाडीप्रति आकर्षण बढाएको हो’, उनले भने ।

‘हुण्डाईको क्रेटा ईभीमा शून्य समस्या छ । यसको ब्याट्री एक पटक चार्ज गरेपछि ३५० किलोमिटर चल्छ । गाडीमा कुनै समसस्या नभएसँगे यसको रेन्ज पनि राम्रो भएकाले यसमा आकर्षण बढ्दो छ’, उनले भने ।

हुण्डाईको क्रेटा ईभी एक्जुकियटिभ टेकको बजार मूल्य ६० लाख ९६ हजार रुपैयाँ रहेको छ ।

एमजीका सस्ता ईभीको आकर्षण, २५ वटा कमेट र विन्डसर बुकिङ्ग

नेपालका लागि एमजी गाडीको आधिकारिक वितरक पारामाउन्ट मोटर्स प्रा।लि। हो । पारामाउन्टले नाइमा एक्स्पोमा सस्तो मूल्यका दुई ईभी प्रद्धर्शनीमा राखेको छ । एमजीले सस्तो मूल्यको विद्युतीय सवारीसाधन अन्तर्गत कमेट ईभी र विन्डसर ईभी राखेको हो ।

‘हालसम्म एक्स्पोमा २५ वटा कमेट र विन्डसर ईभी बुकिङ्ग भएका छन् । ‘एमजी’ को ब्राण्ड भ्यालूका कारण बुकिङ्गको यो अवस्था आएको हो’, एमजीका सेल्स प्रतिनिधि सोभिग्या ढकालले भने ।

‘कमेट ईभी शहरका लागि उपयुक्त छ । विन्डसर ईभी फेमिलि र कमर्फटका लागि वेस्ट छ । कमेट र विन्डसरको यस विशेषताले गर्दा बुकिङ्गको यस्तो परिणाम आएको हो’, उनले भने ।

कमेट ईभी (एक्जुकियुटिभ) को बजार मूल्य १८ लाख ७५ हजार रुपैयाँ रहेको छ । कमेट ईभी (एक्साइट) को मूल्य २१ लाख ५० हजार रुपैयाँ रहेको छ ।

विन्डसर ईभी (कम्युट( को ३५ लाख ९९ हजार, (एक्साइट) को ४१ लाख ४९ हजार, ९एक्सकुलिसिभ० को ४४ लाख २५ हजार र (एसेन्स) को ४६ लाख ९९ हजार रुपैयाँ बजार मूल्य रहेको छ ।

जेकु र ओमोडाका ४० गाडी बुकिङ, क्यास डिस्काउन्टले बढायो आकर्षण

नेपालका लागि जेकु र ओमोडा गाडीको आधिकारिक वितरक एसपिजी अटोमोबाइल्स प्रा।लि। हो । नाइमा एक्स्पोमा एसपिजी अटोमोबाइल्सले ईभी अन्तर्गत जेकुको जे–६ टी, जे–५ प्रो प्रद्धर्शनीमा राखेको छ । त्यसैगरि ओमोडाको इ–५ र इ–५ प्रो एस्क्पो प्रद्धर्शनी गरिएको छ ।

‘अहिलेसम्म एक्स्पोमा जेकु र ओमोडाको ४० गाडी बुकिङ्ग भइसकेका छन् । यो मूल्यको गाडीमा जेकु र ओमोडालाई उत्कृष्ट मानिएको छ । यसले गर्दा यी गाडीमा आगन्तुकले रुचि देखाएका हुन् । ओमोडा र जेकुको स्टलमा दैनिक १ सय ५० भन्दा बढी आगन्तुक अवलोकन गर्न आइरहेका छन् ।’, जेकु र ओमोडाकी सेल्स अफिसर आफरिन पारविनले भनिन् ।

‘एक्स्पोमा जेकुको जे–६ टी गाडीमा १ लाख, जे–५ गाडीमा २ लाख र जे–५ प्रो गाडीमा १ लाख ६० हजार रुपैयाँ क्यास डिस्काउन्ट दिएका छौं । ओमोडाको इ–५ गाडीमा २ लाख र इ–५ प्रो गाडीमा १ लाख ६० हजार रुपैयाँ क्यास डिस्काउन्ट दिइरहेका छौं । जेकु र ओमोडामा दिएको क्यास डिस्काउन्टले गर्दा यी गाडीप्रति ग्राहकको आकर्षण बढ्दो छ’, उनले भनिन् ।

जेकु जे–५ को बजार मूल्य ५६ लाख ९९ हजार र जेकु जे–६ टी को ६९ लाख ९९ हजार रुपैयाँ रहेको छ । ओमोडाको इ–५ प्रो मोनो टोन गाडीको बजार मूल्य ५१ लाख ५९ हजार र इ–५ प्रो डियुल टोनको बजार मूल्य ५१ लाख ९९ हजार रुपैयाँ रहेको छ ।

लिपमोटरका ईभीको आकर्षण, बीओ–३ एक्सको ७० युनिट बुकिङ्ग

नेपालका लागि लिपमोटरको आधिकारिक वितरक सांग्रिला मोटर्स प्रालि हो । नाइमा एक्स्पोमा सांग्रिला मोटर्सले लिपमोटरका विओ–३ एक्स, वि–१० र टिओ–३ प्रद्धर्शनीमा राखेको छ । लिपमोटरले राखेका यी सबै सवारीसाधन ईभी गाडी हुन् ।

‘पहिलो दिनदेखि आजसम्म ७० वटा विओ–३ गाडी र १२ देखि १३ वटा वि–१० गाडी बुकिङ्ग भएका छन् । आजसम्म टिओ–३ गाडी बुकिङ्ग भएका छैनन् । लिपमोटरको स्टलमा दैनिक सय जना आगन्तुक गाडी अवलोकलन गर्न आइरहेका छन्’, लिपमोटरका सेल्स आदित्य श्रेष्ठले भने ।

‘लिपमोटरको गाडीको रेन्ज, सुरक्षा, प्रिमियम इन्टिरियर, बुट स्पेस लगायतका सुविधाले आकर्षण बढाएको हो । गाडीमा २ लाख रुपैयाँको क्यास डिस्काउन्ट दिएका छौं । ७ किलोवाट र २.२ किलोवाटको दुई चार्जर पनि निःशुल्क दिइरहेका छौं । यसले पनि थप आकर्षण बढाएको हो’, उनले भने ।

‘फ्लोर म्याट निःशुल्क दिएका छौं । एक वर्षको इन्स्योरेन्स र रोड ट्याक्स निःशुल्क गरेका छौं । गाडीमा भएका यस्ता अफरले लिपमोटरप्रति आगन्तुकको ध्यान तानिरहेको छ’, उनले भने ।

लिपमोटर विओ–३ एक्सको बजार मूल्य ४५ लाख, विओ–१० को ५५ लाख र टिओ–३ को ३२ लाख रुपैयाँ रहेको छ । एक पटक चार्ज गर्दा विओ–३ एक्स ४ सय किलोमिटर, वि–१० ४ सय ३४ किलोमिटर र टिओ–३ ३ सय ६५ किलोमिटरको रेन्ज दिने गर्दछ ।