.gif)
_(1).gif)
.png)
काठमाण्डौ । राष्ट्रियसभाका २० मध्ये १९ सिटका लागि निर्वाचन सुरु भएको छ । एकजनालाई भने सरकारको सिफारिसमा राष्ट्रपतिले मनोनीत गर्नेछन् ।
पूर्व निर्धारित समय ९ बजेदेखि सातै प्रदेशमा मतदान सुरु भएको हो । मतदानको समय दिउँसो ३ बजेसम्म तोकिएको छ ।
प्रमुख निर्वाचन आयुक्त दिनेशकुमार थपलियाले बिजशालासँग कुरा गर्दै मतदान सकिएको ३ घण्टाभित्र नतिजा सार्वजनिक गर्ने गरी आवश्यक व्यवस्थापन गरिएको जानकारी दिए ।
(1).gif)
आयोगकाअनुसार चुनावी प्रतिस्पर्धामा आठ राजनीतिक दलका ५१ जना उम्मेदवार छन् । कोशी प्रदेशमा ५, मधेसमा ५, बागमतीमा १५, गण्डकीमा ८ तथा लुम्बिनी, कर्णाली र सुदूरपश्चिम प्रदेशमा ६÷६ जना उम्मेदवार छन् । सातै प्रदेशमा महिला समूहतर्फ १८, दलित समूहतर्फ पाँच, अपांगता भएका व्यक्ति वा अल्पसंख्यक समुदायतर्फ ८ र अन्य समूहतर्फ २० गरी जम्मा ५१ जना उम्मेदवार छन् ।
राष्ट्रिय सभा सदस्य निर्वाचनमा प्रदेश सभा सदस्य, गाउँपालिकाका अध्यक्ष तथा उपाध्यक्ष र नगरपालिकाका प्रमुख तथा उपप्रमुखले मत खसाल्न पाउँछन् ।
निर्वाचनका लागि कुल २ हजार ४७ जना मतदाता रहेका छन् । यसको जम्मा मतभार ५७ हजार ५५९ छ ।
प्रत्येक प्रदेश सभा सदस्यको मतभार ५३ र गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुखको मतभार १९ तोकिएको छ ।
यसकारण महत्वपूर्ण
यसपटकको राष्ट्रिय सभा निर्वाचनलाई विशेष चासोको साथ हेरिएको छ । यस पछाडि दुईवटा कारण छन्, एउटा राष्टिय सभामा केही भेटेरान नेताहरु पनि विभिन्न दलबाट प्रतिस्पर्धामा उत्रिएका छन् । चुनाव हारेकाहरुले पनि भागबण्डाबाट संसदमा छिर्ने दाउ हेरेका छन्
दोश्रो, निर्वाचनपछि प्रधानमन्त्री पुष्पकमल दाहाल(प्रचण्ड)ले परफरमेन्स खासै राम्रो नदिएका मन्त्रीहरुको विदाई गरी नयाँलाई ल्याउनेछन् । अर्थमन्त्री समेत प्रचण्डको टार्गेटमा परेका कारण उनको बहिर्गमन र नयाँ अर्थमन्त्री आउनसक्ने अवस्थाले देशको अर्थतन्त्र, सेयर बजार, लगानीकर्ताको मनोबल लगायतमा समेत प्रभाव पर्नेछ ।
संघीय संसदको माथिल्लो सदनको रुपमा रहेको राष्ट्रियसभाको सदस्य बन्ने व्यक्तिले मन्त्रीमण्डलमा समेत सहभागिता जनाउन पाउने भएकोले समेत चासोका साथ हेरिन्छ ।
.gif)
.png)
.jpg)
.jpg)
.jpg)
.gif)
.gif)
