सोमबार, कार्तिक ३०,२०८३ 04:13:42
  • सोमबार, कार्तिक ३०,२०८३ 04:13:42
Global IME Bank Limited

काठमाण्डौमा ट्राफिक नियम उल्लङ्घनको डरलाग्दो अवस्था, २९ दिनमै झन्डै १३ हजार चालक कारबाहीमा, मापसे गर्ने मात्रै २८ सय बढी

Bizshala
काठमाण्डौमा ट्राफिक नियम उल्लङ्घनको डरलाग्दो अवस्था, २९ दिनमै झन्डै १३ हजार चालक कारबाहीमा, मापसे गर्ने मात्रै २८ सय बढी
New Office

 

काठमाण्डौ । काठमाण्डौ उपत्यकामा ट्राफिक नियम उल्लङ्घन गर्ने चालकको संख्या उच्च देखिएको छ। कात्तिक महिनाको पहिलो २९ दिनमै ट्राफिक नियम मिच्ने १२ हजार ९६७ सवारीचालक कारबाहीमा परेका छन्।

काठमाण्डौ उपत्यका ट्राफिक प्रहरी कार्यालयका अनुसार कात्तिक १ देखि २९ गतेसम्म गरिएको ट्राफिक जाँच तथा निगरानीका क्रममा उक्त संख्यामा चालक कारबाहीमा परेका हुन्।

यस अवधिमा मादक पदार्थ सेवन (मापसे) गरेर सवारी चलाउने मात्रै २ हजार ८९२ जना कारबाहीमा परेका छन्। त्यस्तै, लागुपदार्थ सेवन (लापसे) गरी सवारी चलाउने ७८ जना चालकलाई पनि प्रहरीले कारबाही गरेको छ।

यसरी मापसे र लापसे गर्ने चालकको संख्या मात्रै २ हजार ९७० पुगेको छ। यो कुल कारबाहीमा परेका चालकको करिब २३ प्रतिशत हो।

दैनिक औसत ४४७ चालक कारबाहीमा

प्रहरीको तथ्यांकलाई दैनिक औसतमा हेर्दा कात्तिकका २९ दिनमा प्रत्येक दिन करिब ४४७ चालक ट्राफिक नियम उल्लङ्घन गरेको आरोपमा कारबाहीमा परेका छन्।

मापसे गरेर सवारी चलाउने चालकको संख्या पनि दैनिक औसत करिब १०० जना रहेको छ।

Shivam Cement
Mahalaxmi Development Bank
CG Motors

यसले उपत्यकामा ट्राफिक नियम पालना गराउने विषय चुनौतीपूर्ण रहेको संकेत गरेको छ।

विशेषगरी मादक पदार्थ र लागुपदार्थ सेवन गरेर सवारी चलाउने प्रवृत्ति सडक सुरक्षाका दृष्टिले गम्भीर चिन्ताको विषय बनेको छ।

मापसे गर्ने चालक सबैभन्दा बढी

काठमाण्डौ उपत्यका ट्राफिक प्रहरी कार्यालयका प्रवक्ता एवं प्रहरी उपरीक्षक नरेशराज सुवेदीका अनुसार कारबाहीमा परेका विभिन्न कसुरका चालकमध्ये मापसे गर्नेको संख्या सबैभन्दा बढी रहेको छ।

मादक पदार्थ सेवनले चालकको निर्णय क्षमता, सतर्कता र सवारी नियन्त्रण गर्ने क्षमतामा नकारात्मक प्रभाव पार्न सक्छ।

त्यस्तै, लागुपदार्थ सेवन गरेर सवारी चलाउँदा पनि चालकको शारीरिक तथा मानसिक अवस्थामा असर पर्ने भएकाले दुर्घटनाको जोखिम बढ्न सक्छ।

यही कारण ट्राफिक प्रहरीले मापसे र लापसे नियन्त्रणलाई प्राथमिकता दिँदै नियमित जाँच तथा निगरानी गर्दै आएको जनाएको छ।

Garima Development Bank
Bizshala
IME remit

ट्राफिक नियम उल्लङ्घन रोक्न प्रहरीको निगरानी

सवारी तथा यातायात व्यवस्था ऐन, २०४९ तथा अन्य प्रचलित कानुनी व्यवस्थाले मादक पदार्थ वा लागुपदार्थ सेवन गरेर सवारीसाधन चलाउन निषेध गरेको छ।

यस्तो अवस्थामा सवारी चलाउने चालकलाई कसुरको प्रकृतिअनुसार कानुनी कारबाही गर्ने व्यवस्था छ।

ट्राफिक प्रहरीले चालकलाई मापसे तथा लापसे नगर्न, सवारी चलाउँदा आवश्यक सावधानी अपनाउन र ट्राफिक नियमको पूर्ण पालना गर्न आग्रह गरेको छ।

Global IME Bank Limited

प्रतिक्रिया

0 प्रतिक्रिया
प्रतिक्रिया फारम तयार हुँदैछ...

अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।

यो पनि हेर्नुहोस

Bizshala
Bizshala
Bizshala
IME remit
Shikhar Insurance
Mahalaxmi Development Bank

हाम्रो बारेमा

Bizshala.com, operated by SOS Media Pvt. Ltd., stands as Nepal's premier financial news portal. With a keen focus on the economy, capital markets, real estate, banking and financial institutions, merchant banking, investment tools, insurance, tourism, the automotive industry, and beyond, it delivers fresh, in-depth, and investigative reporting. Since its inception, Bizshala has rapidly emerged as the nation's leading economic news platform, driven by a team of seasoned and accomplished financial journalists. Committed to delivering investigative, accurate, and innovative content, Bizshala approaches every story through a distinct economic lens, catering to the interests and curiosities of its readers.