.gif)
(2).gif)
(2).png)
_(1).gif)
.png)
काठमाण्डौ । नेपाल स्टक एक्सचेन्ज(नेप्से)ले सिटिजन लाइफ इन्स्योरेन्स कम्पनीको धितोपत्र कारोबार रोक्का गरेको छ । नेप्सेले धितोपत्र कारोबार स्वच्छ राख्नका लागि कम्पनीको कारोबार रोक्का गर्ने निर्णय गरेको जनाएको छ ।
कम्पनीले वैशाख २३ गते नेप्सेलाई लाभांश घोषणासम्बन्धी जानकारी गराएको र वैशाख २५ गते पुनः उक्त लाभांश रद्द गर्ने निर्णयका बारेमा जानकारी गराएको जनाएको छ । धितोपत्र सूचीकरण विनयमावली २०७५ को विनियम १६(१)(ग)मा भएको व्यवस्थाबमोजिम नेप्सेलाई गलत सूचना दिएमा वा पटक पटक सूचना परिवर्तन गरेमा नेप्सेले सूचीकृत संगठित संस्थाको सूचीकरण स्थगन गर्ने सक्ने व्यवस्था रहेको छ ।
सिटिजन लाइफले पनि पटक पटक सूचना परिवर्तन गरेकाले उक्त विनयमावलीको विनयम (१६)(१)मा भएको व्यवस्था अनुरुप नेप्सेले कम्पनीको दोस्रो बजार धितोपत्र कारोबार स्थगन गरेको हो ।
नेप्सेका प्रवक्ता मुराहरि पराजुलीले कम्पनीको कारोबार अनिश्चित कालका लागि स्थगित गरिएको बताए । ‘सिटिजन लाइफको कारोबार अनिश्चित कालकालागि स्थगन गरिएको छ । हिजोको कारोबारका के गर्ने भन्ने बारे सेबोनसँग छलफल भईरहेको छ ।’ पराजुलीले भने ।
कम्पनीको आज बसेको सञ्चालक समितिको बैठकले गत आवका लागि प्रस्ताव गरेको कुल २८.४०४३४६९८ प्रतिशत लाभांश रद्द गर्ने निर्णय गरेको हो । कम्पनीको वैशाख २३ गते बसेको सञ्चालक समितिको बैठकले गत आर्थिक वर्ष २०७९/८० का सेयरधनीहरुलाई हाल कायम चुक्तापूँजी ३ अर्ब ९३ करोड रुपैयाँको २६.९८४१२६९८ प्रतिशत बोनस सेयर र १.४२०२२ प्रतिशत नगद लाभांश(कर प्रयोजनका लागि) गरी कुल २८.४०४३४६९८ प्रतिशत लाभांश वितरणको अन्तरिम लाभांश घोषणा गरेको थियो ।
.gif)
.png)
.jpg)
.jpg)
(6).png)
(52).jpg)
(1).gif)
