.gif)
_(1).gif)
.jpg)
.png)
काठमाण्डौ । एकपछि अर्को उचाईमा पुगिरहेको पाकिस्तानको सेयर बजारले फेरी अर्को नयाँ उचाई चुमेको छ । आज पाकिस्तानको सेयर बजार हालसम्मकै उच्च विन्दुमा पुगेको छ । आज पाकिस्तानको बेञ्चमार्क सेयर इन्डेक्स, कराँची स्टक इन्डेक्स–१०० ०.७ प्रतिशतले वृद्धि हुँदै ७५ हजार विन्दुमा पुगेको छ ।
आजको इ्रन्ट्रा डे कारोबारमा कराँची स्टक इन्डेक्सले ७५ हजार १११ विन्दुको उचाई हासिल गरेको छ । एक वर्षको अन्तरालमा पाकिस्तानको सेयर बजार ८० प्रतिशतले वृद्धि भईसकेको छ । सोमबार कराँची स्टक इन्डेक्स १ प्रतिशतको वृद्धि साथ ७३ हजार ८२२ विन्दुमा बन्द भएको थियो । टपलाइन सेक्युरिटीका सीईओ माहम्मद सोहेलका अनुसार विदेशी लगानीकर्ताले पाकिस्तानीे सेयर बजारमा खरिद बढाएपछि वृद्धि देखिएको हो । मंगलबार पाकिस्तानको नेशनल बैंक अफ पाकिस्तानलाई एमएससीआई इन्डेक्सले एमएससीआई फ्रन्टीयर मार्केट इन्डेक्समा जोडेको थियो । बुधबार यो बैंकको सेयरमूल्य १.६ प्रतिशतले वृद्धि भएको छ ।
पाकिस्तानको सेयर बजारमा निष्कृत रुपमा रहेको विदेशी फण्डलाई थप आकर्षित गर्ने भएकाले पाकिस्तानको सेयर बजार अझै उचाईमा पुग्ने सोहेलले बताए । मार्च महिनामा मुद्रास्फिती १३.५ प्रतिशतमा झर्ने आँकलन र जुन महिनामा सहज मौद्रिक नीति आउने सम्भावनाका बीच पाकिस्तानको सेयर बजार वृद्धि भईरहेको अरिफ हबिब लिमिटेडका सीईओ साहिद हबिबले बताए ।
(1).gif)
यसका साथै लगानीकर्ता पनि अन्तराष्ट्रिय मुद्रा कोषको नयाँ वित्तीय सहायता र यसले तय गर्ने आगामी रोडम्यापले उत्साहित रहेको अन्तराष्ट्रिय मिडियाले जनाएका छन् ।
पाकिस्तानले गत महिना आइएमएफको ३ बिलियन डलरबराबरको अल्पकालिन वित्तीय सहायता कार्यक्रम सम्पन्न गरेको थियो । तर प्रधानमन्त्री सेहबाज सरिफले आइएमएफबाट नयाँ दीर्घकालिन कार्यक्रम आवश्यक रहेको बताएका थिए । अहिले आइएमएफले वित्त वर्ष २०२५ को बजेट ,नीति र सुधारका लागि नयाँ सम्भावित कार्यक्रममाथि त्यहाँको सरकारसँग छलफल गरिरहेको छ ।
वाल स्ट्रिटको सिटी बैंकले पाकिस्तानले आइएमएफसँग आगामी चार वर्षका लागि ८ बिलियन डलरको आर्थिक सहायतामा समझदारी गर्न सक्ने जनाएको छ । -एजेन्सी
.gif)
.png)
.jpg)
.png)
(87).jpg)
(105).jpg)
.gif)
.gif)
