.gif)
(2).gif)
_(1).gif)
.png)
काठमाण्डौ । चीनको एउटा प्रशिद्ध पर्यटीकय स्थलमा रहेको शौचालयमा ‘टाइमर’ राखिएको विषयले यतिबेला चर्चा पाईरहेको छ । २५२ वटा गुफामा ५१ हजारबाट मूर्ति कुदिएको विश्व सम्पदा सूचीमा सूचीकृत चीनको युङगाङ बुद्धिस्ट ग्रोटोजको शौचालय बाहिर टाइमर राखिएको हो ।
यससम्बन्धी एउटा भिडियो यतिबेला चीनका विभिन्न समाचार तथा सामाजिक सञ्जालमा प्रकाशित भएका छन् । उक्त भिडियोमा महिला शौचालयको ढोका बाहिरको माथिल्लो भागमा डिजिटल काउण्टर सहितको टाइमर राखिएको देखिएको छ ।
शौचालय भित्र कोहि नभएको बेला डिजिटल बोर्डमा ‘खाली’शब्दसहित हरियो रंग बल्ने गरेको देखिन्छ । यदि शौचालय प्रयोगमा छ भने बोर्डमा कति मिनेटदेखि शौचालय प्रयोग भईरहेको छ भन्ने बारे जानकारी डिस्प्ले देखाइएको छ ।
.gif)
यो भिडियो त्यस क्षेत्रको भ्रमणमा गएका एक व्यक्तिले खिचेका थिए र भिडियोलाई सरकारी स्वामित्वका स्थानीय पत्रिकालाई प्रदान गरेको थिए । उक्त व्यक्तिले यो कदमलाई प्राविधिक उन्नतीको संज्ञा दिदै यसले शौचालय बाहिर कुर्न र ढोका ढक्ढक्याउन नपर्ने बताए । तर उनले कति मिनेटदेखि शोचालय प्रयोग भईरहेको छ भन्ने जानकारी देखाइनु भने लाजमर्दो भएको बताएका छन् ।
यो विषयले चीनमा मिश्रित प्रतिक्रिया पाईरहेको छ । केहिले यो राम्रो प्रविधि भएको बताएका छन् भने केहिले भने व्यक्तिगत गोपनियताको हनन हुने भन्दै विरोध गरेका छन् । -एजेन्सी
.png)
.jpg)
.png)
(1).gif)
.gif)
