.gif)
_(1).gif)
.png)
काठमाण्डौ । माओवादीले नेतृत्व गरेको सरकारका अर्थमन्त्री वर्षमान पुनले ल्याएको बजेटका कारण अहिले गठबन्धनभित्रै पनि रडाको मच्चिएको छ ।
अर्थमन्त्री पुनले बजेटमा मनपरी गरेका सांसदहरुको आरोप छ । पुनलाई हातमा लिएर एमालेबाट भौतिक मन्त्री बनेका रघुवीर महासेठले समेत उस्तै मनपरी गरेको भन्दै सांसदहरुले दैनिकजसो रोष प्रकट गरिरहेका छन् ।
(1).gif)
पुनलाई थर्काउँदै बजेटको २ दिनअघि सिंहदरबारमै छिरेर आफ्नो क्षेत्रमा पैसाको ओइरो लगाएका भौतिक योजनामन्त्री रघुवीर महासेठ समेत यो बजेटपछि विवादमा तानिएका छन् ।
एमालेबाट मन्त्री बनेको महासेठले अर्थमन्त्रीलाई समेत थर्काएर आफ्नो र पत्नी जुली महताको निर्वाचन क्षेत्रमा बजेटको ओइरो लगाएका आरोप अरु सांसदको छ ।
यही क्रममा मंगलबार बोल्ने अधिकांश सांसदले बजेटको असन्तुलित योजना छनौट तथा स्रोत बाँडफाँडको कडा स्वरमा विरोध गरे ।
एमाले सांसद सूर्य थापाले समेत महासेठको कार्यशैलीको विरोध गरे ।
कांग्रेसका सांसद रामहरि खतिवडाले त रघुवीरलाई पैसाले नपुगेको भन्दै ५ रुपैयाँ थपिदिए ।
खतिवडाले आफ्नो निर्वाचन क्षेत्र रहेको ओखलढुंगाको महत्वपूर्ण सडकका लागि बजेट माग गर्न खोज्दा मन्त्री महासेठले भेट नै नदिएकोमा रोष प्रकट गरे ।
खतिवडाले भौतिक पूर्वाधार मन्त्रालयको बजेटमध्ये ८ अर्ब बढी धनुषा र त्यहाँका २ वटा निर्वाचन क्षेत्रमा केन्द्रित गरिएको भन्दै आपत्ति जनाएका छन् ।
खतिवडाले बजेट खन्याइएको आरोप लगाएका धनुषा ४ महासेठको निर्वाचन क्षेत्र हो भने धनुषा ३ चाहिँ उनकी पत्नी जुलीकुमारी महतो निर्वाचित क्षेत्र हो ।
अब बाँकी रहेको बजेट पनि उतै लैजान र त्यसले पनि नपुग्ने भए म त्यसमा ५ रुपैयाँ थप्न चाहन्छु भन्दै नोट झिकेर रोष्टममै छाडेर हिँडेका हुन् ।
.gif)
.png)
.jpeg)
.gif)
(1).gif)
.gif)
