संसद् भवनभित्र सुरक्षामा खटिएका प्रहरी जवान गोली लागेको अवस्थामा मृत फेला

काठमाण्डौ । संघीय संसद भवनभित्रै नेपाल प्रहरीका एक जवान गोली लागेको अवस्थामा मृत फेला परेका छन् । संसद भवनको सुरक्षार्थ खटिएका नेपाल प्रहरीका जवान संसद् भवनको शौचालयमा गोली लागेको अवस्थामा मृत भेटिएका हुन् ।

मृत अवस्थामा भेटिएका प्रहरी जवानको पहिचान खुलिसकेको छ । उनी दोलखाका अजित गोले भएको प्रहरीले जनाएको छ । गोलेले आफैंले गोली हानी आत्महत्या गरेको बताइएको छ । घटनाको थप विवरण आउन भने बाँकी नै रहेको छ ।