.gif)
.gif)
.png)
अर्थमन्त्री वर्षमान पुनले सरकारले आगामी आर्थिक वर्षका लागि ल्याएको बजेटमा कृषिलाई संरक्षण गर्न भ्याट हटाएको बताएका छन्। शुक्रबार काठमाडौंमा आयोजित एक कार्यक्रमलाई सम्बोधन गर्दै उनले आगामी वर्षको बजेटमार्फत् कृषिलाई संरक्षण गर्न भ्याट हटाएको बताएका हुन्।
.gif)
उनले नीतिगत स्थायित्व भएमात्रै देश विकास हुने बताए। चालु आर्थिक वर्षमा कृषि उत्पादनहरुमा भ्याट लगाइएको भएपनि सरकारले अब त्यो हटाउने उनको भनाइ छ।
उनले भने, ‘हामीले २०८१/२०९१ लाई कृषि दशक घोषणा गरेका छौँ। धेरै तिरको छलफल, बहस र अन्तरक्रियापछि घोषणा गरेका हौँ। राजनीतिक नेतृत्व फेरिराख्छ, हाम्रो मन्त्रीहरु फेरिन सक्छन्, हाम्रा नीतिहरु फेरिनु हुँदैन। नीतिगत स्थायित्व हुनुपर्छ। कृषि दशकको घोषणा र त्यतातिर प्राथमिकता दिएका छौँ।’
मन्त्री पुनले भारतले कृषि क्षेत्रमा अनुदान दिएका कारण भारतीय उत्पादनसँग प्रतिष्पर्धा गर्नै नसक्ने अवस्था सिर्जना भएको बताए।
‘भारतीय सरकारले यति धेरै कृषि क्षेत्रमा अनुदान दिएको छ, कि हामी प्रतिष्पर्धा गर्नै नसक्ने अवस्था छ। हामीले पनि अहिलेको बजेटमा कृषिलाई संरक्षण गर्नुपर्छ भनेर लागेका छौँ। चालु वर्षमा भ्याट लगाइएको थियो, कृषि उत्पादनहरुमा। प्याज, आलु, स्याउमा। तर यसपटक त्यो भ्याटलाई हटाइएको छ,’ उनले भने।
.png)
.jpg)
.jpg)
.jpg)
.gif)
.gif)
.gif)