(1).gif)
(2).gif)
(1).gif)
.png)
काठमाण्डौ । काठमाण्डौ वरपर हेलिकप्टर उडानमा रोक लगाइएको छ । नागरिक उड्डयन प्राधिकरणले त्रिभुवन अन्तर्राष्ट्रिय विमानस्थलको ८ किलोमिटर वरपर चार्टर्ड हेलिकोप्टर उडान तथा अवतरणमा लगाइएको रोकलाई निरन्तरता दिएको हो । प्राधिकरणले बढ्दो मनसुनको अवस्थालाई मध्यनजर गर्दै हेलिकप्टर उडान तथा अवतरणमा रोक लगाइएको जनाएको छ ।
प्रतिकुल मौसमको अवस्थामा आन्तरिक तथा अन्तर्राष्ट्रियका नियमित उडानलाई सहज व्यवस्थापन गर्न चार्टर्ड हेलिकोप्टरको उडानमा लगाइएको यसअघिको रोकलाई निरन्तरता दिइएको प्राधिकरणले जनाएको छ । गत वैशाख देखि प्राधिकरणले काठमाण्डौभित्र हुने हेलिकोप्टर उडानमा कडाइ गरेको छ । लुक्लाबाट आउँदै गरेको सिम्रिक एयरको हेलिकोप्टर र दोहाबाट आउँदै गरेको कतार एयरवेजको जहाज अवतरणका क्रममा २ माइल दूरीमा आमनेसामने भएपछि प्राधिकरणले कडाई गरेको थियो ।
तर आकस्मिक रूपमा हुने उद्धार तथा बिरामी सेवासम्बन्धी उडानलाई भने नरोकिएको प्राधिकरणले जनाएको छ ।
.gif)
.png)
.jpg)
.jpg)
.jpg)
.jpg)
