युरोकपमा वितरण गरियो कुल ३३१ मिलियन युरोबराबरको नगद पुरस्कार, विजेता र उपविजेताले कति पाए ?

काठमाण्डौ । हालै सम्पन्न युरोकप फुटबल प्रतियोगिताको उपाधि स्पेनले जितेको छ । स्पेनले बेलायतलाई २–१ गोलले पराजित गर्दै यस वर्षको युरोकपको उपाधि आफ्नो पोल्टामा पारेको हो ।  

दुवै टोलि १–१ गोलको अवस्थामा रहेका बेला खेलको ८७ औं मिनेटमा मिखेल ओयार्जबले गरेको निर्णायक गोल नै स्पेनलाई उपाधि जिताउन सफल भयो । यससँगै स्पेनले सबैभन्दा धेरै युरोपियन च्याम्पियनशीप जित्ने देश बनेको छ । स्पेनले जर्मनीलाई पछि पार्दै ४ पटक उपाधि जित्ने किर्तीमान आफ्नो नाममा दर्ता गरेको छ । स्पेनले प्रतियोगितामा आफ्ना सबै ७ वटा खेल जित्दै उपाधि उचाल्यो । यस क्रममा स्पेनले १५ गोल गर्यो ।  

उपाधि जितेसँगै स्पेनले आकर्षक नगद पुरस्कार पाएको छ । स्पेनले उपाधिसँगै २८.२५ मिलियन युरो नगद पुरस्कार हात पारेको छ । त्यस्तै उपविजेता बनेको बेलायतले भने २४.२५ मिलियन युरो जितेको छ । युइएफएका अनुसार यो प्रतियोगितामा समावेश सबै २४ वटै टोलिलाई कुल ३३१ मिलियन युरोबराबरको नगद पुरस्कार प्रदान गरिएको छ ।  

प्रत्येक टीमले समूह चरणमा जितेका प्रत्येक खेलका लागि २८.५ मिलियन युरो प्राप्त गरेका छन् ।  

यस वर्षको युरो कपको गोल्डेन बुट ह्यारी केनले पाएका छन् ।  -एजेन्सी