.gif)
.gif)
.png)
काठमाण्डौ । प्रधानमन्त्रीको आर्थिक सल्लाहकार डा. युवराज खतिवडाले आफ्ना कारण शुक्रबार आउने भनिएको मौद्रिक नीति नरोकिएको प्रष्ट पारेका छन् ।
बिजशालासँग कुरा गर्दै उनले केही मिडियाहरुले अनावश्यक हल्ला फैलाएका र अनुमानको भरमा पत्रकारिता गरेका भन्दै प्रकाशित समाचारहरुको खण्डन गरेका हुन् ।
.gif)
‘नियुक्तिको निर्णय मात्र भई नियुक्तिपत्र हातमै नपरेको व्यक्तिले कसरी मौद्रिक नीति रोक्न सक्छ ? फेरि म अर्थमन्त्री पनि होइन । अर्थमन्त्रीले समेत राष्ट्रबैंकजस्तो स्वायत्त निकायका काम कार्यबाहीमाथि हस्तक्षेप गर्न मिल्दैन ।’ बिजशालासँग उनले भने–‘बजार र लगानीकर्तामा मनोबल बढ्न थालेको देखेर सुनियोजित ढंगले कसैले हल्ला फैलाइरहेको जस्तो लाग्छ । यस्ता मिथ्या सूचनाको पछाडि लगानीकर्ता कुद्नु हुन्न ।’
उनले अहिलेको अवस्थामा कस्तो मौद्रिक नीति चाहिन्छ भन्ने विषय राष्ट्रबैंकलाई जत्तिको अरुलाई थाहा नहुने जिकिर समेत गरे । ‘मौद्रिक नीति तयारीको क्रममा तालुकदार मन्त्री र गभर्नरबीच छलफल हुनु स्वभाविक हो । समन्वयलाई हस्तक्षेप भनिहाल्न पनि मिल्दैन ।’ उनले थपे–‘अहिलेको अवस्थामा सरकारका सबै एजेन्सी मिलेर अर्थतन्त्र चलायमान बनाउने र लगानीकर्ताको मनोबल उकास्ने नीति ल्याउन आवश्यक छ । गिरेको मनोबल नउकासी अर्थतन्त्र सुध्रिन्न । यसमा फिस्कल पोलिसी बनाउने र मनिटरी पोलिसीबाट सपोर्ट गर्ने सबै पक्षले गम्भीर बन्नुपर्छ ।’
डा. खतिवडालाई बिहीबार बसेको मन्त्रिपरिषद बैठकले प्रधानमन्त्रीको आर्थिक तथा विकास सल्लाहकार नियुक्त गरेको थियो । डा. खतिवडाका अनुसार शुक्रबार दिउँसो १ बजेसम्म उनले नियुक्तिपत्र पाइसकेका छैनन् र कार्यभार पनि सम्हालिसकेका छैनन् ।
.png)
.jpg)
.jpg)
.jpg)
.gif)
.gif)
.gif)