.gif)
_(1).gif)
.png)
काठमाण्डौ । अमेरिकी साइबर सेक्युरिटी कम्पनी क्राउडस्ट्राइक गत शुक्रबार निकै चर्चामा रह्यो । कम्पनीको एउटा खराब सफ्वेयर अपडेटका कारण विश्व नै ठप्प बनेको थियो । करिब १५ घण्टा माइक्रोसफ्टको सर्भर ठप्प बनेपछि विश्वभरका हवाई उडान,टिभी च्यानल र सेयर बजारलगायतका अन्य क्षेत्र प्रभावित बनेका थिए । तथापी अहिले भने अवस्था सामान्य बनिसकेको छ ।
यसबीच अमेरिकी साइबर सेक्युरिटी कम्पनी क्राउडस्ट्राइकलाई भने ठूलो झट्का लागेको छ । शुक्रबार कम्पनीको सेयरमूल्यमा ११ प्रतिशतको पहिरो गयो । कम्पनीको सफ्टवेयरमा समस्या नआउनुअघिसम्म कम्पनीको बजार पूँजीकरण ८३ बिलियन डलर थियो । तर उक्त घटना घटेपश्चात भने कम्पनीको बजार पूँजीकरण केहि क्षणमै ८.८ अर्ब डलरले घटेको छ । यो कम्पनी विश्वभरको सबैभन्दा चर्चित साइबर सेक्युरिटी प्रोभाइडरमध्ये. एक हो । जसको विश्वभर करिब ३० हजार ग्राहक छन् ।
(1).gif)
यो कम्पनी आफ्नो ग्रोथ र उच्च मार्जिनका कारण लगानीकर्ताबीच सफ्टवेयर प्रिय बन्दै आएको छ । शुक्रबारको गिरावटअघि गत वर्ष कम्पनीको सेयरमूल्य दुईगुणाले वृद्धि भएको थियो । तर शुक्रबारको घटनाका कारण कम्पनीप्रति लगानीकर्ताको विश्वास गुम्दा सेयरमूल्यमा पहिरो गएको छ । यसको फाइदा अर्को साइबर सेक्युरिटी कम्पनी अल्टो नेटवक्र्सले उठाउन सक्ने देखिएको छ । गत शुक्रबार कम्पनीको सेयरमूल्य १.७ प्रतिशतले वृद्धि भएको थियो ।
.gif)
.png)
.png)
(86).jpg)
.jpg)
.jpg)
.gif)
.gif)
