.gif)
(1).gif)
.png)
काठमाण्डौ । विश्वका १ प्रतिशत धनाढ्यले बितेको १ दशकमा ४२ ट्रिलियन डलरबराबरको सम्पत्ति आर्जन गरेका छन् । अक्सफामले एक प्रतिवेदन सार्वजनिक गर्दै यस्तो जनाएको हो ।
अक्सफामका अनुसार दश वर्षको अवधिमा विश्वका १ प्रतिशत धनाढ्यले कमाएको ४२ ट्रिलियन डलर बाँकी विश्वका आधि जनसंख्याले आर्जन गरेको भन्दा ३६ गुणा बढी हो । प्रतिवेदनमा धनाढ्य अझै धनी बन्दै गएतापनि उनीहरुमाथिको कर भने ऐतिहासिक रुपमा न्यून अवस्थामा पुगको उल्लेख गरिएको छ ।
रिपोर्टका अनुसार विश्वका धनाढ्यहरुले उनीहरुको सम्पत्तिको तुलनामा ०.५ प्रतिशतभन्दा कम कर तिरिरहेका छन् । विश्वका प्रत्येक ५ वटा धनाढ्यमध्ये ४ जना जी२० देशका रहेका छन् । ब्राजिलमा आयोजना हुन गईरहेको जी२०को सम्मेलनअघि अक्सफामको यस्तो प्रतिवेदन सार्वजनिक भएको । उक्त सम्मेलनमा विश्वका धनाढ्यहरुलाई कर बढाउनु पर्ने अजेण्डा पेश गर्नुपर्ने आवाज उठ्न थालेको छ । यो साता जी२० का देशका अर्थमन्त्रीहरुले धनाढ्यहरुलाई कर बढाउने र धनाढ्यहरुले कर छुट पाउने प्रक्रियालाई हटाउने विषयमा छलफल गर्ने भएका छन् ।
.gif)
.gif)
.png)
.jpg)
.jpg)
.gif)
.gif)
.gif)
