.gif)
_(1).gif)
.png)
काठमाण्डौ । कुल ६९ करोड चुक्तापूँजी रहेको जानकी फाइनान्सले आर्थिक वर्ष २०८०-८१ मा १३ करोड ७१ लाख बढी खूद घाटा व्यहोरेको छ ।
ठूलो घाटा व्यहोर्दा कम्पनीका मुख्य वित्तीय सूचकमा गम्भीर धक्का लागेको देखिएको छ। मुख्य सूचकहरुमा पहिरो गएका कारण यो कम्पनीलाई नियामकले टेकओभर गरी शीघ्र सुधारात्मक कारबाही गर्नुपर्ने पनि देखिन्छ ।
(1).gif)
अघिल्लो आर्थिक वर्षको सोही अवधिको तुलनामा जानकी फाइनान्सका अधिकांश सूचकहरुमा निकै ठूलो पहिरो गएको देखिन्छ । जस्तो, प्रतिसेयर आम्दानी १९ रुपैयाँ ८७ पैसाले ऋणात्मक बन्न पुगेको छ, जबकि अघिल्लो वर्ष यही अवधिमा इपीएस ६० पैसाले धनात्मक थियो ।
अघिल्लो वर्षको यही अवधिसम्म कम्पनी ४१ लाख ४८ हजार रुपैयाँले नाफामा थियो । तर, खराब कर्जामा अचाक्ली बढोत्तरी हुँदा, आम्दानी घट्दा र कम्पनीभित्रको भद्रगोल अवस्था बढेका कारण कम्पनी चरम घाटामा देखिएको हो ।
अघिल्लो वर्ष ५९ लाख २५ हजारले धनात्मक रहेको खूद सञ्चालन मुनाफा यो वर्ष घटेर १३ करोड ७१ लाखले नै ऋणात्मक बन्न पुगेको छ ।
अघिल्लो वर्ष १६ करोडको हाराहारीमा रहेको खूद ब्याज आम्दानी घटेर ११ करोड ३० लाखमा सीमित भएको छ भने खराब कर्जा अनुपात ह्वात्तै बढ्दा सम्भावित जोखिम व्यवस्थापनका लागि गर्नुपर्ने प्रभिजन दोब्बरले बढेको छ । अघिल्लो वर्ष कम्पनीले १२ करोड ४१ लाख रुपैयाँ सम्भावित जोखिम व्यवस्थापनका लागि प्रभिजन गरेकोमा यो वर्ष २१ करोड १८ लाख बढी प्रभिजन गर्नुपरेको छ । यसले समेत कमाएको नाफा प्रभावित भएको हो ।
अघिल्लो वर्ष १८.६५ प्रतिशतमा सीमित खराब कर्जाको अनुपात बढेर २०८०–८१ को चौथो त्रैमाससम्ममा ३७.१३ प्रतिशत पुगेको छ । यसरी खराब कर्जा उच्च दरले बढेर कम्पनी संकटग्रस्त अवस्थामा पुगेको प्रष्ट देखिन्छ ।
कम्पनीको खूद नाफा कुल आम्दानी प्रतिशत २७.५७ प्रतिशतले नेगेटिभ, मूल्य आम्दानी अनुपात ३७.३८ गुणाले नेगेटिभ, प्रतिसेयर नेटवर्थ घटेर ५७.८६ रुपैयाँ देखिएको छ ।
यो कम्पनीको दोश्रो बजारमा सेयरमूल्य चाहिँ प्रतिकित्ता ७४४ रुपैयाँ पुगेको छ ।
.gif)
.png)
.jpg)
.png)
.jpg)
.gif)
.gif)
