हिन्डनबर्गले लगायो भारतीय सेयर बजार नियामक प्रमुखमाथि यस्तो आरोप

काठमाण्डौ । अदानी समूह विरुद्ध प्रतिवेदन सार्वजनिक गर्ने हिन्डनबर्ग रिसर्चले अहिले भारतीय सेयर बजार नियामक सेबीका अध्यक्ष माधवी पुरी बुचमाथि आरोप लगाएको छ ।

अमेरिकी सर्ट सेलर फन्ड हिन्डनबर्गले शनिबार ह्वाइटलब्लोअर कागजातहरू उद्धृत गर्दै सेबी अध्यक्ष र उनका पति धवल बुचको अफशोर कम्पनीहरूमा अदानी समूहको वित्तीय अनियमिततासँग सम्बन्धित रहेको बताएको छ।

इन्डियन एक्सप्रेस’ र पीटीआईका अनुसार सेबी अध्यक्ष र उनका पति धवल बुचले विज्ञप्ति जारी गर्दै यी आरोपको खण्डन गरेका छन् ।

दुवैले संयुक्त विज्ञप्ति जारी गर्दै भनेका छन्, ‘यी आरोपमा कुनै सत्यता छैन । हाम्रो जीवन र आर्थिक लेनदेन एक खुला किताब हो।’

के छ हिन्डनबर्गको रिपोर्ट मा

हिन्डनबर्गको प्रतिवेदनका अनुसार सेबी अध्यक्षको अफसोर कम्पनीहरूमा हिस्सेदारी भएको र अडानी समूहको कथित वित्तीय अनियमितताहरूमा प्रयोग गरिएको थियो ।  

प्रतिवेदनमा सेबी अध्यक्षको स्वार्थको यो द्वन्द्वका कारण बजार नियामकको पारदर्शितामाथि प्रश्नचिन्ह खडा भएको छ । प्रतिवेदनमा सेबीको नेतृत्वप्रति चिन्ता व्यक्त गरिएको छ ।

हिन्डनबर्गले अदानी समूहको वित्तीय अनियमिततामा संलग्न अपतटीय कोषहरू एकदमै अस्पष्ट र जटिल संरचना भएको बताएको छ।

प्रतिवेदनमा माधवी पुरी बुचको व्यक्तिगत स्वार्थ र बजार नियामक प्रमुखको भूमिकामा प्रश्न उठाइएको छ । हिन्डनबर्ग रिसर्चले अदानी समूहका सम्बन्धमा सेबीले गरेको अनुसन्धानको गहिरो छानबिन हुनुपर्ने बताएको छ ।

हिन्डनबर्ग रिसर्चले व्हिसलब्लोअरबाट प्राप्त कागजातहरूका अनुसार, सेबीमा उनको नियुक्तिको केही हप्ता अघि, माधवी पुरी बुचका पति धवल बुचले मौरिससस्थित कोष प्रशासक ट्राइडेन्ट ट्रस्टलाई इमेल गरेृको जनाएको छ। यसले ग्लोबल डायनामिक कोषमा उनको र उनकी श्रीमतीको लगानीको उल्लेख गरेको छ।

माधवी बुच सेबी अध्यक्ष हुनुअघि उनका श्रीमानले संयुक्त खाता सञ्चालन गर्न अनुरोध गरेका थिए भन्ने हिन्डनबर्गको रिपोर्टमा उल्लेख छ। यसको मतलब माधवी बुच सेबी अध्यक्ष हुनुअघि नै उनले आफ्नी श्रीमतीको खाताबाट सबै सम्पत्ति हटाउन चाहेका थिए।

सेबी अध्यक्षको पद राजनीतिक रूपमा निकै संवेदनशील भएकाले उनका श्रीमानले यो कदम चालेको हुनसक्ने जनाइएको छ।

हिन्डनबर्गको अनुसन्धान प्रतिवेदनमा भनिएको छ, ‘उनको कोषको पूर्ण संरचनालाई माधबी बुचको व्यक्तिगत इमेललाई सम्बोधन गरिएको फेब्रुअरीको खातामा वर्णन गरिएको छ।’

हिन्डनबर्गले त्यसबेला बुचको उक्त कोषमा कुल शेयर ८७२७६२.६५ डलर रहेको बताएको छ । समाचार एजेन्सी पीटीआईका अनुसार माधवी बुच र उनका पतिले भनेका छन्, ‘हामी आफूमाथि लगाइएका निराधार आरोपलाई अस्वीकार गर्न चाहन्छौँ ।’

उनले भनेका छन्, ‘हाम्रो जीवन र हाम्रो वित्तीय खाता खुला किताब जस्तै हो र वर्षौंदेखि सेबीलाई आवश्यक सबै जानकारी दिइएको छ।’

माधवी पुरी बुच र उनका श्रीमानले भनेका छन्, ‘हामी निजी नागरिक हुँदाका मिति लगायतका थप वित्तीय कागजातहरू खुलाउन हामीलाई कुनै हिचकिचाहट छैन।’

उनले यस विषयमा पूर्ण पारदर्शिताका लागि उपयुक्त समयमा पूर्ण विज्ञप्ति जारी गर्ने बताए ।

उनले भने, ‘सेबीले हिन्डनबर्ग रिसर्च विरुद्ध प्रवर्तन कारबाही गरेको थियो र कारण देखाउ नोटिस जारी गरेको थियो। त्यसको जवाफमा हिन्डनबर्ग रिसर्चले आफ्नो नाम कलंकित गर्ने प्रयास गरेको छ।’