वैदेशिक रोजगार विभागका महानिर्देशक घिमिरेको सरुवा

काठमाण्डौ। श्रम, रोजगार तथा सामाजिक सुरक्षा मन्त्रालयले वैदेशिक रोजगार विभागका महानिर्देशक डण्डुराज घिमिरेको सरूवा गरेको छ। महानिर्देशक घिमिरेको ठाउँमा हालै गृहमन्त्रालयबाट सरूवा भएर आएका सह-सचिव सुर्यबहादुर खत्रीलाई विभागमा ल्याइएको हो।

खत्री यसअघि जिल्ला प्रशासन कार्यालय अर्घाखाँचीको प्रमुख जिल्ला अधिकारी थिए। त्यहाँबाट उनको गृह मन्त्रालयमा सरूवा गरिएको थियो। मन्त्रिपरिषद्को गत बिहीबार बसेको बैठकले खत्रीलाई गृहबाट श्रम, रोजगार तथा सामाजिक सुुरक्षा मन्त्रालयमा सरूवा गरेको थियो।